'જવાન' માટે નયનતારા મેકર્સની પ્રથમ પસંદ નહોતી, આ એક્ટ્રેસે ઠુકરાવી હતી શાહરૂખની ફિલ્મ

Jawan Film: સાઉથની લેડી સુપરસ્ટાર કહેવાતી નયનતારા શાહરૂખ ખાનની ફિલ્મ જવાનમાં જોવા મળી હતી. પરંતુ શું તમે જાણો છો કે આ માટે અભિનેત્રી નિર્માતાઓની પહેલી પસંદ ન હતી.

ફોટોઃ સોશિયલ મીડિયા

Jawan Film: સાઉથની લેડી સુપરસ્ટાર કહેવાતી નયનતારા શાહરૂખ ખાનની ફિલ્મ 'જવાન'માં જોવા મળી હતી. પરંતુ શું તમે જાણો છો કે આ માટે અભિનેત્રી નિર્માતાઓની પહેલી પસંદ ન હતી. શાહરૂખ ખાન ચાર વર્ષના લાંબા સમયગાળા પછી વર્ષ 2023માં ફિલ્મ 'પઠાણ'થી મોટા પડદે પરત ફર્યા હતા. આ ફિલ્મે બોક્સ ઓફિસ પર રેકોર્ડ બ્રેક કમાણી કરી હતી. તે જ વર્ષે અભિનેતાની ફિલ્મ 'જવાન' પણ રીલિઝ થઈ હતી. તેણે તેની રિલીઝ પછી બોક્સ ઓફિસ પર પણ હલચલ મચાવી દીધી હતી. ફિલ્મમાં અભિનેતાની શાનદાર એક્શન જોવા મળી હતી. આ ફિલ્મમાં શાહરૂખ સાથે સાઉથ સ્ટાર નયનતારા જોવા મળી હતી. તેમના કામની પણ ખૂબ ચર્ચા થઈ હતી. પરંતુ અભિનેત્રી નિર્માતાઓની પ્રથમ પસંદગી ન હતી. અગાઉ આ ફિલ્મ સાઉથની અન્ય અભિનેત્રીને ઓફર કરવામાં આવી હતી.

બહુ ઓછા લોકો જાણે છે કે નયનતારા પહેલા 'જવાન'માં પોલીસ ઓફિસરનો રોલ સાઉથ ઈન્ડસ્ટ્રીની લોકપ્રિય અભિનેત્રી સામંથા રૂથ પ્રભુને ઑફર કરવામાં આવ્યો હતો.

પરંતુ તે સમયે સામંથા તેના લગ્ન જીવનમાં વ્યસ્ત હતી. વાસ્તવમાં અભિનેત્રી તેના પતિ નાગા ચૈતન્ય સાથે ફેમિલી પ્લાન કરી રહી હતી.

આવી સ્થિતિમાં જ્યારે સામંથાને આ ફિલ્મની ઓફર કરવામાં આવી ત્યારે તેણે આ રોલ કરવાની ના પાડી દીધી હતી. નોંધનીય છે કે હવે સામંથા અને નાગા ચૈતન્યના પણ છૂટાછેડા થઈ ગયા છે.

જ્યારે સામંથાએ આ ફિલ્મને નકારી કાઢી ત્યારે નિર્માતાઓએ નયનતારાને આ રોલ ઓફર કર્યો અને અભિનેત્રીએ પણ હા પાડી હતી. દર્શકોને પણ જવાનમાં તેની એક્શન ઘણી પસંદ આવી હતી.

શાહરૂખ ખાન અને નયનતારા સિવાય સાન્યા મલ્હોત્રા, દીપિકા પાદુકોણ, રિદ્ધિ ડોગરા અને પ્રિયમણિ જેવા સ્ટાર્સ 'જવાન'માં જોવા મળ્યા હતા.

વર્ક ફ્રન્ટની વાત કરીએ તો શાહરૂખ ખાન છેલ્લે ફિલ્મ 'ડંકી'માં જોવા મળ્યો હતો. આ દિવસોમાં અભિનેતા તેની આગામી ફિલ્મ 'કિંગ'ના શૂટિંગમાં વ્યસ્ત છે.રિપોર્ટ્સનું માનીએ તો આ ફિલ્મમાં શાહરૂખ પહેલીવાર તેની લાડકી દીકરી સુહાના ખાન સાથે સ્ક્રીન શેર કરવા જઈ રહ્યો છે.