ફરીથી લગ્ન કરવાને લઇને યુઝરે પૂછ્યો આવો સવાલ, Samantha Ruth Prabhu એ આપ્યો શાનદાર જવાબ

Samantha Ruth Prabhu: જુનિયર એનટીઆર, અલ્લુ અર્જુન, વિજય અને મહેશ બાબુ જેવા સુપરસ્ટાર્સ સાથે ફિલ્મી પડદે ફ્લર્ટ કરનાર સામંથાનું અંગત જીવન ખૂબ જ ચર્ચામાં રહ્યું છે.

સામંથા રૂથ પ્રભુ અને નાગા ચૈતન્ય ઓક્ટોબર 2021માં અલગ થઈ ગયા હતા. અભિનેત્રીના છૂટાછેડાથી તેના ચાહકોને પણ મોટો આંચકો લાગ્યો છે.

રવિવારે સામંથાએ ચાહકોના ઘણા સવાલોના જવાબ આપ્યા. આ સમય દરમિયાન અભિનેત્રીએ ફરીથી લગ્ન કરવા વિશે ચાહકો સમક્ષ પોતાનો અભિપ્રાય પણ વ્યક્ત કર્યો હતો.

સામંથાએ તાજેતરમાં ઇન્સ્ટાગ્રામ પર એક આસ્ક મી એનિથિંગ સેશન કર્યું હતું જેમાં સામંથાએ લખ્યું હતું, 'સન્ડે આઈડિયા?' જે પછી એક યુઝરે લખ્યું, 'સૌથી ખરાબ વર્ષનો અંત આવી રહ્યો છે', જેના જવાબમાં અભિનેત્રીએ કહ્યું, 'હું અનુભવી શકું છું'.

અન્ય એક પ્રશંસકે લખ્યું, 'આ દિવસોમાં જો તમને લાગે કે તમે તમારી જાતને જાણો છો, તો જીવન તમારા માટે સરપ્રાઈઝ લઈને આવે છે', તેના પર અભિનેત્રીએ લખ્યું - 'કેટલાક સારા, કેટલાક ખરાબ પરંતુ આ વસ્તુ તમને અલગ બનાવે છે'.

એક યુઝરે પૂછ્યું, 'શું તમે ચમત્કારોમાં વિશ્વાસ કરો છો?', તેણે કહ્યું, 'હા હું કરું છું'. આ પછી એક યુઝરે લખ્યું, 'શું તમે ફરીથી લગ્ન કરવાનું વિચારી રહ્યા છો?', જેના જવાબમાં અભિનેત્રીએ કહ્યું, 'આંકડા મુજબ આ એક ખરાબ રોકાણ છે'.

નોંધનીય છે કે સામંથા અને નાગા ચૈતન્યના સંબંધોમાં ખટાશના કારણે બંનેએ 2021માં એકબીજાથી અલગ થવાનો નિર્ણય લીધો હતો. સામંથા અને નાગા ચૈતન્યએ એકબીજા સાથે છૂટાછેડા લીધા અને અલગ થઈ ગયા હતા.