Happy Birthday Samantha Ruth Prabhu: આર્થિક તંગીના કારણે સામંથા આવી હતી ફિલ્મ ઇન્ડસ્ટ્રીઝમાં

સાઉથ એક્ટ્રેસ સામંથા પ્રભુ આજે તેનો 35મો જન્મદિવસ ઉજવી રહી છે. સામંથા તેના બોલ્ડ નિવેદનોને કારણે હંમેશા ચર્ચામાં રહે છે. પરંતુ વાસ્તવમાં એક્ટ્રેસ સામંથાનું સ્વપ્ન ક્યારેય અભિનેત્રી બનવાનું નહોતું.

સામંથા રૂથ પ્રભુ ટૂંક સમયમાં વરુણ ધવન સાથે બોલિવૂડ ફિલ્મમાં જોવા મળશે. સામંથાની ઘણી ફિલ્મોએ રેકોર્ડબ્રેક કમાણી કરી છે. તેની ફિલ્મો 'મર્સલ' અને 'રંગસ્થલમ' લોકોને ખાસ પસંદ આવી હતી.

મીડિયા રિપોર્ટ અનુસાર, સામંથાએ આર્થિક તંગીના કારણે 2010માં ફિલ્મી દુનિયામાં પગ મુક્યો હતો. સામંથાએ ફિલ્મોમાં જોડાતા પહેલા મોડલિંગ ઈન્ડસ્ટ્રીમાં પ્રવેશ કર્યો હતો. તે પાર્ટ ટાઈમ જોબ પણ કરતી હતી.

આ દરમિયાન તેની પહેલી ફિલ્મ 'યે માયા ચેસાવ'ની ઓફર મળી હતી. આ ફિલ્મ જબરદસ્ત હિટ સાબિત થઈ હતી. તેને બેસ્ટ ડેબ્યૂ માટે ફિલ્મફેર એવોર્ડ પણ મળ્યો છે.

બહુ ઓછા લોકો જાણે છે કે સામંથા રેવતી પછી બીજી એવી અભિનેત્રી છે જેણે 2013માં તમિલ અને તેલુગુ માટે ફિલ્મફેર શ્રેષ્ઠ અભિનેત્રીનો એવોર્ડ જીત્યો છે, જે એક રેકોર્ડ છે.

સામંથા સોશિયલ મીડિયા પર ઘણી એક્ટિવ રહે છે અને અવારનવાર પોતાની તસવીરો શેર કરતી રહે છે. સામંથા પોતાની એનજીઓ પણ ચલાવે છે. આ NGOનું નામ પ્રત્યુષા સપોર્ટ છે. આ NGO પસંદગીના વિસ્તારોમાં આરોગ્ય સુવિધાઓ પૂરી પાડે છે.

સામંથાએ 2017માં સાઉથના સુપરસ્ટાર નાગા ચૈતન્ય સાથે લગ્ન કર્યા હતા. આ લગ્ન હિંદુ અને ક્રિશ્ચિયન રિવાજો અનુસાર થયા હતા અને તેઓ સાઉથના સૌથી હિટ કપલ્સમાંથી એક હતા પરંતુ ગયા વર્ષે તેઓએ અલગ થવાનો નિર્ણય લીધો હતો. (તમામ તસવીરોઃ ઇન્સ્ટાગ્રામ )