એક સમયે એકાઉન્ટમાં હતા ફક્ત 18 રૂપિયા, આજે 81 કરોડ રૂપિયાનો માલિક છે રાજકુમાર રાવ

Rajkummar Rao Struggle Story: 15 ઓગસ્ટે રિલીઝ થયેલી 'સ્ત્રી 2' બોક્સ ઓફિસ પર કમાણી કરી રહી છે. આ ફિલ્મે તેના પાંચમા દિવસે 200 કરોડનો આંકડો પાર કરી લીધો છે. આ ફિલ્મમાં રાજકુમાર રાવ પણ મહત્વના રોલમાં જોવા મળી રહ્યો છે. આ માટે તેને 6 કરોડ રૂપિયાની ફી મળી છે. રાજકુમાર દરેક ફિલ્મ માટે મોટી રકમ લે છે. પરંતુ એક સમયે અભિનેતા પાસે માત્ર 18 રૂપિયા હતા.

રાજકુમાર રાવની ગણતરી આજના સમયના સૌથી સફળ અને શ્રેષ્ઠ અભિનેતાઓમાં થાય છે. રાજકુમારનો જન્મ 31 ઓગસ્ટ 1984ના રોજ ગુરુગ્રામમાં થયો હતો.

39 વર્ષીય રાજકુમાર રાવના આજે લાખો ચાહકો છે. તેની પાસે કરોડોની સંપત્તિ છે. પરંતુ સ્કૂલમાં અભ્યાસ દરમિયાન જ્યારે તેના માતાપિતા તેની ફી ચૂકવવાની સ્થિતિમાં ન હતા ત્યારે અભિનેતાની બે વર્ષની ફી તેના શિક્ષક દ્વારા ચૂકવવામાં આવી હતી.

રાજકુમારે તે સમયગાળો પણ જોયો જ્યારે તેના બેન્ક ખાતામાં માત્ર 18 રૂપિયા હતા. જ્યારે તેના મિત્ર પાસે તે સમયે માત્ર 21 રૂપિયા હતા.

રાજકુમાર રાવ એક્ટર બનવાનું સપનું લઈને 2008માં મુંબઈ આવ્યો હતો. જોકે, તેને પૈસાના અભાવે સંઘર્ષ કરવો પડ્યો હતો. પછી તે પારલે જી બિસ્કિટ ખાઈને અને ફ્રુટી પીને દિવસો પસાર કરતો હતો.

મુંબઈ આવ્યા પછી અભિનેતાએ એક પછી એક ફિલ્મો માટે ઘણા ઓડિશન આપ્યા. રાજકુમારને તેની 2010ની ફિલ્મ 'લવ સે*ઔર ધોખા' માટે ફી તરીકે માત્ર 11,000 મળ્યા હતા.

આ પછી રાજકુમારે 2011માં આવેલી ફિલ્મ 'રાગિની MMS'માં કામ કર્યું હતું. આ માટે મેકર્સે તેને 1 લાખ રૂપિયા ફી આપી હતી.રાજકુમાર આજે ઇન્ડસ્ટ્રીના સૌથી સફળ અને ધનિક અભિનેતા છે. CAKnowledgeના રિપોર્ટ અનુસાર, તેમની કુલ સંપત્તિ 81 કરોડ રૂપિયા છે.