Taarak Mehta Ka Ooltah Chashmah: આ પાંચ એક્ટર્સે ફગાવ્યો હતો જેઠાલાલનો રોલ, બાદમાં Dilip Joshi બન્યા જેઠાલાલ

Taarak Mehta Ka Ooltah Chashmah: ફેમસ ટીવી સીરિયલ ‘તારક મહેતા કા ઉલ્ટા ચશ્મા’ (Taarak Mehta Ka Ooltah Chashmah) આજે ઘર ઘરમાં લોકપ્રિય છે. આ ટીવી સીરિયલ વર્ષ 2008થી સતત લોકોના દિલ પર રાજ કરી રહી છે. આ ટીવી સીરિયલમાં જેઠાલાલની ભૂમિકા એક્ટર દિલીપ જોશીએ નિભાવી છે.શું તમે જાણો છો આ ભૂમિકા દિલીપ જોશી મેકર્સની પ્રથમ પસંદ નહોતા. મેકર્સે દિલીપ જોશી અગાઉ અનેક એક્ટર્સને જેઠાલાલનો રોલ ઓફર કરાયો હતો પરંતુ આ તમામે આ રોલ કરવાનો ઇનકાર કર્યો હતો. આવો જાણીએ દિલીપ જોશી અગાઉ ક્યા ક્યા એક્ટર્સને આ રોલ ઓફર કરાયો હતો.

‘તારક મહેતા કા ઉલ્ટા ચશ્મા’ના મેકર્સે રાજપાલ યાદવને જેઠાલાલના રોલ એપ્રોચ કર્યો હતો. જોકે, રાજપાલ યાદવ નાના પડદા પર કામ કરવા માંગતો નહોતો જેના કારણે તેમણે આ ઓફર ફગાવી દીધી હતી.

કોમેડિયન કીકૂ શારદાને પણ જેઠાલાલના પાત્ર માટે ઓફર કરાઇ હતી. જોકે, મીડિયા રિપોર્ટ અનુસાર કીકૂ શારદાએ આ ઓફર ફગાવી દીધી હતી. તેમણે કહ્યું કે તે સ્ટેન્ડઅપ કોમેડીમાં ખુશ છે.

મીડિયા રિપોર્ટ અનુસાર એક્ટર અને કોમેડિયન અલી અસગરને પણ જેઠાલાલના પાત્ર માટે ઓફર કરાઇ હતી. પરંતુ વ્યસ્ત શેડ્યુલના કારણે તે આ ભૂમિકા નિભાવી શક્યા નહોતા .

ટીવી સીરિયલ ‘ભાભી જી ઘર પર હૈ’માં પોલીસ જવાન હપ્પૂ સિંહની ભૂમિકા નિભાવનાર યોગેશ ત્રિપાઠીને પણ જેઠાલાલના પાત્રની ઓફર કરાઇ હતી. પરંતુ વ્યસ્ત શેડ્યુલના કારણે તેમણે આ પાત્ર ભજવવાનો ઇનકાર કર્યો હતો.

એક્ટર અને કોમેડિયન અહસાન કુરૈશીને પણ જેઠાલાલના પાત્ર માટે સંપર્ક કરાયો હતો પરંતુ તેમણે ઇનકાર કરી દીધો હતો.

નોંધનીય છે કે દિલીપ જોશીને જેઠાલાલના રોલ માટેની ઓફર મળી તો તેમણે તરત જ સ્વીકાર કરી દીધો અને બાદમાં ક્યારેય પાછળ વળીને જોયું નથી.