આ ડાયેટ અને કસરત છે એક્ટ્રેસ યામી ગૌતમના કિલર ફિગરનું રાજ

Yami Gautam Fitness Secret: બોલિવૂડ અભિનેત્રી યામી ગૌતમ તેની ફિટનેસ અને ફિગરને કારણે ઈન્ડસ્ટ્રીમાં ચર્ચામાં રહે છે, ચાલો જાણીએ શું છે તેના પરફેક્ટ ફિગરનું રહસ્ય.

યામી ગૌતમ ફિટ રહેવા માટે યોગ કરે છે. અભિનેત્રી અવારનવાર તેના ઈન્સ્ટાગ્રામ પર યોગમાં ચક્રાસન, ત્રિકોણાસન, વૃક્ષાસન કરતી તસવીરો શેર કરે છે.આ આસન પાચન તંત્રની તંદુરસ્તી સુધારે છે. તેનાથી સ્નાયુઓ મજબૂત થાય છે.

પોતાની જાતને હાઈડ્રેટ રાખવા માટે યામી નારિયેળ પાણી, બદામ, તાજા ફળોને પોતાના ડાયેટમાં સામેલ કરે છે.યામી દિવસભર પુષ્કળ પાણી પીવે છે.

યામી વેઈટ લિફ્ટિંગ પણ કરે છે, તેનાથી મસલ્સ મજબૂત બને છે અને બોડીનું મેટાબોલિઝમ પણ વધે છે. હાડકાં પણ મજબૂત હોય છે.

યોગ, રનિંગ ઉપરાંત યામીને પોલ ડાન્સિંગ કરવાનું પણ પસંદ છે. યામીનું માનવું છે કે ફિટ રહેવા માટે ડાન્સ કરવો ખૂબ જ જરૂરી છે, તેનાથી ફિટનેસ લેવલમાં ઘણો વધારો થાય છે.પોલ ડાન્સથી તમે 1 કલાકમાં 200 થી 450 કેલરી બર્ન કરી શકો છો.

રજાના દિવસે યામી આરામ કરે છે, તે રાત્રે વહેલા સૂઈ જાય છે અને સવારે વહેલા ઉઠે છે.

યામી એક પરફેક્ટ ફિગર માટે બાઈસેપ કર્લ મશીનનો પણ ઉપયોગ કરે છે, યામી તેનો ઉપયોગ દરરોજ નથી કરતી પરંતુ અઠવાડિયામાં બે વાર ચોક્કસપણે કરે છે, તે કાંડાને મજબૂત બનાવે છે અને સ્નાયુઓને મજબૂત બનાવે છે.

(તમામ તસવીરો સોશિયલ મીડિયા)