કોઇએ આપી આત્મહત્યાની ધમકી તો કોઇએ મોકલી લોહીથી ભરેલી બોટલ, આ સ્ટાર્સ માટે ફેન્સે પાર કરી તમામ હદો

ક્યારેક બોલિવૂડ સ્ટાર્સનો ક્રેઝ ફેન્સ પર એટલો હાવી થઈ જાય છે કે તેઓ તમામ હદો પાર કરી દે છે. આજે અમે તમને એવા સ્ટાર્સની જાણકારી આપીશું જેઓ ફેન્સના ક્રેઝનો શિકાર બન્યા છે.

આ લિસ્ટમાં પહેલું નામ રવિના ટંડનનું છે. જેણે એક ઈન્ટરવ્યુમાં ખુલાસો કર્યો હતો કે ગોવામાં રહેતી એક વ્યક્તિ તેને પોતાની પત્ની માનવા લાગ્યો હતો. એટલું જ નહીં તે રવીનાને લોહીથી ભરેલી બોટલ અને અશ્લીલ ફોટા મોકલતો હતો.

બોલિવૂડ એક્ટર અક્ષય કુમારના કરોડો ચાહકો છે. એકવાર એક ચાહકે અભિનેતાને મળવા માટે તેના બંગલામાં પ્રવેશ કર્યો હતો. જોકે, અંદર જાય તે પહેલા જ તેને ગાર્ડે પકડી લીધો હતો.

ટાઈગર શ્રોફે બહુ ઓછા સમયમાં બોલિવૂડમાં એક ખાસ ઓળખ બનાવી લીધી છે. એક રિપોર્ટ અનુસાર, બે સગીર છોકરાઓ અભિનેતાને મળવા તેમના શેલ્ટર હોમમાંથી ભાગી ગયા હતા. જોકે, બાદમાં આગ્રા કેન્ટ સ્ટેશનથી તેની ધરપકડ કરવામાં આવી હતી.

બોલિવૂડની ફેમસ એક્ટ્રેસ કેટરીના પાછળ પણ ફેન્સ ક્રેઝી થાય છે. વાસ્તવમાં એક ચાહકે તેના પતિ વિકી કૌશલને મારી નાખવાની ધમકી આપી હતી. જે બાદ તેણે પોલીસમાં ફરિયાદ નોંધાવી અને પોલીસે તે વ્યક્તિની ધરપકડ પણ કરી હતી.

આ લિસ્ટમાં બોલિવૂડના દબંગ સલમાન ખાનનું નામ પણ સામેલ છે. જેને મળવા માટે ચાહકોએ તમામ હદ વટાવી દીધી હતી. હકીકતમાં, બાબુ નામના વ્યક્તિએ અભિનેતાને મળવા માટે ભૂખ હડતાલ કરી હતી.

કરીના કપૂર પણ કરોડો ચાહકોના દિલ પર રાજ કરે છે. વાસ્તવમાં એક છોકરી કરીનાને મળવા માટે તેના ઘરની સામે ધરણા પર બેસી ગઈ હતી. તેણે એવી ધમકી પણ આપી હતી કે જો કરીના તેને નહીં મળે તો તે આત્મહત્યા કરી લેશે.

આ લિસ્ટમાં અભિનેત્રી વાણી કપૂરનું નામ પણ સામેલ છે. હકીકતમાં એકવાર અભિનેત્રીનો બાઇક પર એક ફેન્સે પીછો કર્યો હતો. જે બાદ તે ખૂબ જ ડરી ગઈ હતી.