Year Ender 2023: તેલગી સહિત આ લોકોના જીવન પર બની છે ફિલ્મ, ઓટીટી મચાવ્યો હતો તહેલકો

Year Ender 2023: વર્ષ 2023 પુરુ થઇ રહ્યું છે, ડિસેમ્બર મહિનો ચાલી રહ્યો છે, આ વર્ષે કેટલીક એવી ફિલ્મો અને વેબસીરીઝ રિલીઝ થઇ જે દર્શકોને ખુબ પસંદ આવી, આમાં કિન્નરોની સ્ટૉરીની કહાણીની પણ ફિલ્મો સામેલ છે. આ વર્ષે વિવિધ વેબસીરીઝ અને ફિલ્મોએ દર્શકોનું ઘણું મનોરંજન કર્યું. તો ચાલો આ વર્ષે રીલીઝ થયેલી તે કહાણીઓ પર એક નજર કરીએ જે સત્ય ઘટનાઓ પર આધારિત છે.

સુષ્મિતા સેનની વેબસીરીઝ તાલી આ વર્ષે 15 ઓગસ્ટના રોજ Jio સિનેમા પર રિલીઝ થઈ હતી. એક સત્ય ઘટના પર આધારિત, આ સીરીઝ ગૌરી સાવંત નામની ટ્રાન્સજેન્ડરની કહાણી બતાવે છે, જે તેના અધિકારો માટે સમાજ સાથે લડે છે.

'આખરી સચ' દિલ્હીના બુરારી કેસથી પ્રેરિત છે, જ્યાં તમન્ના ભાટિયા પોલીસ ઓફિસરની ભૂમિકા ભજવે છે. તમે તેને ડિઝની પ્લસ હૉટ સ્ટાર પર જોઈ શકો છો.

1984માં ભોપાલમાં બનેલી એક ભયાનક ઘટના પર આધારિત, 'ધ રેલ્વે મેન'માં આર. માધવન, કેકે મેનન, બાબિલ ખાન અને દિવ્યેન્દુ મુખ્ય ભૂમિકામાં છે. ફિલ્મમાં બતાવવામાં આવ્યું છે કે કેવી રીતે કેમિકલ ફેક્ટરીમાંથી ઝેરી ગેસ લીક ​​થવાને કારણે લોકોના મોત થાય છે. આવી સ્થિતિમાં બહાદુર રેલવે કર્મચારીઓ લોકોનો જીવ બચાવવા માટે પોતાનો જીવ જોખમમાં મુકે છે. તમે તેને Netflix પર જોઈ શકો છો.

'સ્કેમ 2003'ને દર્શકોએ ખૂબ પસંદ કર્યું હતું. આ પણ એક સત્ય ઘટના પર આધારિત છે. તે કર્ણાટકમાં જન્મેલા ફળ વેચનાર અબ્દુલ કરીમ તેલગીના જીવન પર આધારિત છે.

આ વેબસીરીઝમાં તેલગીની માસ્ટરમાઇન્ડ બનવાની સફર અને તેના મોટા કૌભાંડોનો પર્દાફાશ કરવામાં આવ્યો છે. તમે તેને Netflix પર જોઈ શકો છો.