Pooja Banerjee Birthday: ઓન સ્ક્રીન ભાઇને કરી લિપકિસ, દિવસના 60 રૂપિયામાં કર્યું કામ

Pooja Banerjee Birthday: એક્ટ્રેસ પૂજા બેનર્જીએ એકતા કપૂરના શો ‘કસૌટી ઝિંદગી કી’થી નામ-ખ્યાતિ મેળવી હતી. આ શોમાં તે પાર્થ સમથાનની બહેનના રોલમાં જોવા મળી હતી.

All Photo Credit: Instagram

Pooja Banerjee Birthday: એક્ટ્રેસ પૂજા બેનર્જીએ એકતા કપૂરના શો ‘કસૌટી ઝિંદગી કી’થી નામ-ખ્યાતિ મેળવી હતી. આ શોમાં તે પાર્થ સમથાનની બહેનના રોલમાં જોવા મળી હતી. તેમના પાત્રને ખૂબ પસંદ કરવામાં આવ્યું હતું. જો કે, આ પછી પાર્થ અને પૂજાએ એક વેબ શો કર્યો હતો. તેઓ 'કહેને કો હમસફર હૈં' શોમાં જોવા મળ્યા હતા. આ શોમાં તેણે પાર્થ સમથાનને લિપ કિસ કરી હતી.

આ લિપ કિસ પછી તે ટ્રોલર્સનો શિકાર બની હતી. તેની ખૂબ ટીકા થઈ હતી. જોકે, અભિનેત્રીએ કહ્યું હતું કે પાર્થ તેનો અસલી ભાઈ નથી. પૂજાએ કહ્યું- હું જાણું છું કે આ જોઈને ફેન્સ ચોંકી ગયા હશે, કારણ કે કોઈને અંદાજ ન હતો કે આવું કંઈક થવાનું છે. તે પહેલી વાર હતું જ્યારે મેં સ્ક્રીન પર કિસ કરી હતી. પાર્થ અને મારી વચ્ચે સારો બોન્ડ છે. અમે બંને અભિનેતા છીએ અને અમે પાત્ર માટે જે શ્રેષ્ઠ હતું તે કર્યું હતું.

ટાઇમ્સ નાઉ ડિજિટલ સાથે વાત કરતી વખતે પૂજાએ તેના સંઘર્ષ વિશે વાત કરી હતી. તેણે જણાવ્યું કે ટૂર્નામેન્ટમાં ભાગ લેવા માટે તેને દરરોજના 60 રૂપિયા મળતા હતા. અભિનેત્રીએ કહ્યું હતું કે, અમને ટૂર્નામેન્ટમાં રોજના 60 રૂપિયા મળતા હતા. મેં તેના વિશે વધુ વાત કરી નથી.

તેણે કહ્યું હતું કે પૈસા હંમેશા એક મોટી સમસ્યા રહી છે કારણ કે તમે જાણતા નથી કે તમારે 90 દિવસના વેટિંગ પીરિયડમાં શેમાંથી પસાર થવાનું છે. તે 90 દિવસ 6 મહિના બની જાય છે. મને સમજાયું કે હું ટીવી પર છું અને લોકો મને જોઈ રહ્યા હતા. હું નાના શહેરમાંથી આવું છું. હું મારા પ્રથમ શો પછી ઘરે ગઇ. તો મને અહેસાસ થયો હતો કે તેને સ્ટ્રગલના રૂપમાં લેવું જોઇએ નહીં.

'હું જાણતી હતી કે કેવી રીતે તક બનાવવાની છે. મને એમ હતું કે તે અત્યારે પૈસા નથી આપી રહ્યા તો બાદમાં આવશે. ફોન આવવાના બંધ થતા નહોતા. મને કેટલીક સારી તકો મળી હતી. હું 20 વર્ષની હતી અને હું જાણતી હતી કે આ શરૂ થઈ રહ્યું છે. હું શહેર વિશે જાણતી નહોતી. મારા માટે આ ફિલ્ડને સમજવાનો સંઘર્ષ હતો. મેં ક્યારેય બબલ ક્રિએટ કર્યું નથી. મારી પાસે મારા કુટુંબીજનો અને મિત્રો હતા જેમણે મને ચિંતા ન કરવાનું કહ્યું હતું. અન્ય લોકો માટે આ રિયલ સ્ટ્રગલ છે. નોંધનીય છે કે અભિનેત્રીએ બાળપણના મિત્ર અને નેશનલ સ્વિમર સંદીપ સેજવાલ સાથે લગ્ન કર્યા છે. બંને પોતાના લગ્ન જીવનમાં ખૂબ જ ખુશ છે.