હોટેલમાં મળવા બોલાવી પછી બિકિની પહેરીને.... આ બોલિવૂડ એક્ટ્રેસે કાસ્ટિંગ કાઉચ મુદ્દે કર્યો મોટો ખુલાસો

Sanaya Irani Faced Casting Couch: ટીવીની આ લોકપ્રિય અભિનેત્રીએ ખુલાસો કર્યો કે કેવી રીતે તેમણે બોલીવુડ અને દક્ષિણમાં કાસ્ટિંગ કાઉચનો સામનો કરવો પડ્યો હતો.

આપણે વાત કરી રહ્યા છીએ ટીવીની લોકપ્રિય અભિનેત્રી સનાયા ઈરાનીની. હા, સનાયાએ પોતાના કરિયરની શરૂઆત મોટા પડદાથી કરી હતી અને 2006 દરમિયાન તે આમિર ખાન સ્ટારર ફિલ્મમાં દેખાઈ હતી. ત્યારબાદ તેણે ટીવીની દુનિયામાં પ્રવેશ કર્યો હતો. જોકે હવે ઘણા સમયથી અભિનેત્રી સ્ક્રીનથી દૂર છે. તાજેતરમાં અભિનેત્રીએ બોલીવુડ વિશે એવો ખુલાસો કર્યો જેનાથી તેના ચાહકો ખૂબ આશ્ચર્યચકિત થઈ ગયા.

'કસમ સે', 'રાધા કી બેટિયાં કુછ કર દિખાએંગી', 'કહો ના યાર હૈ', 'જરા નચકે દિખા 2', 'મિલે જબ હમ તુમ' જેવા અનેક ટીવી શોમાં દેખાઈ ચૂકેલી અભિનેત્રી સનાયા ઈરાની કોઈ ઓળખની મોહતાજ નથી. અભિનેત્રીએ પોતાની અભિનયથી ઘર ઘરમાં ઓળખ બનાવી છે.

સનાયા ઈરાનીએ મોટા પડદા પર પણ ખૂબ નામ કમાયું છે. અભિનેત્રી ભલે ઘણા સમયથી સ્ક્રીનથી ગાયબ હોય, પરંતુ તે સોશિયલ મીડિયા પર ખૂબ સક્રિય રહે છે. સાથે જ ચાહકો આજે પણ તેને ખૂબ પસંદ કરે છે.

સનાયાએ પોતાના કરિયરની શરૂઆત મોટા પડદાથી કરી હતી અને 2006 દરમિયાન તે આમિર ખાન સ્ટારર ફિલ્મમાં દેખાઈ હતી. ત્યારબાદ તેણે ટીવીની દુનિયામાં પ્રવેશ કર્યો હતો. તાજેતરમાં અભિનેત્રીએ બોલીવુડ વિશે એવો ખુલાસો કર્યો જેનાથી તેના ચાહકો ખૂબ આશ્ચર્યચકિત થઈ ગયા.

હાઉટરફ્લાઈ સાથેના ઇન્ટરવ્યુમાં વાતચીત કરતાં સનાયાએ ખુલાસો કર્યો કે, 'એક ડિરેક્ટરે મને હોટલમાં મળવા માટે બોલાવી. તે એક ફિલ્મ માટે મળવા માંગતો હતો. તે સમયે હું ફિલ્મો કરવા માંગતી ન હતી. પરંતુ આ વ્યક્તિ મને મળવા માટે અડગ હતો. પછી જ્યારે હું તેને મળી ત્યારે તેણે મને ફિલ્મમાં બિકિની પહેરવા માટે કહ્યું હતું.'

સનાયાએ કહ્યું કે, 'ડિરેક્ટરે તેમને કહ્યું કે તેઓ એક 'ફુલર' અભિનેત્રીને કાસ્ટ કરવા માંગે છે. ત્યારબાદ તેમણે મને બિકિની પહેરીને આવવા માટે કહ્યું. જેના પર ગુસ્સે થયેલી અભિનેત્રીએ ડિરેક્ટરને કહ્યું કે તે આ કેટેગરીમાં ફિટ નહીં થાય અને ન તો તે આ કરવામાં રસ ધરાવે છે.'

જણાવી દઈએ કે નાના પડદા પર સનાયાને 'મિલે જબ હમ તુમ'માં ગુંજનના પાત્ર માટે ઓળખવામાં આવે છે, સનાયા ઈરાની ટીવીની લોકપ્રિય અભિનેત્રીઓમાંની એક છે. તેણે પોતાના અભિનયના જોરે એક અલગ જ ઓળખ બનાવી છે. સનાયાને છેલ્લે 2014માં 'રંગરસિયા'માં જોવામાં આવી હતી.

લોકપ્રિય સિરિયલ 'મિલે જબ હમ તુમ'ના સેટ પર સનાયાને તેનો જીવનસાથી મળ્યો હતો. આ શો પર જ અભિનેત્રીની મુલાકાત મોહિત સહગલ સાથે થઈ હતી. બંનેમાં મિત્રતા થઈ પછી પ્રેમ થયો અને ત્યારબાદ બંનેએ લગ્ન કરી લીધા. આ જોડી તેમની શાનદાર કેમેસ્ટ્રી અને બોન્ડિંગને કારણે હંમેશા ચર્ચામાં રહે છે.