'દીકરી કહીને બોલાવતો હતો, પછી મીટિંગમાં દરવાજો બંધ કરીને...', જાતીય શોષણ અંગે અભિનેત્રીનો ચોંકાવનારો ખુલાસો

ANIને આપેલા ઇન્ટરવ્યૂમાં અભિનેત્રીએ મુશ્કેલ દિવસો વિશે વાત કરી. તેણે કહ્યું કે સિદ્દીકીએ શરૂઆતમાં તેમને બનાવટી (એવું લાગ્યું) એકાઉન્ટથી સોશિયલ મીડિયા પર સંપર્ક કર્યો હતો. તે સમયે તે શાળામાં હતી.

અભિનેત્રીએ દાવો કર્યો, '12માં ધોરણમાં હું અભિનેતા સિદ્દીકીના સંપર્કમાં આવી હતી. તે મને એક એકાઉન્ટથી મેસેજ કરતા હતા જે બનાવટી લાગતું હતું. તે મારી સાથે 2 વર્ષ સુધી સંપર્કમાં રહ્યા અને તે મને દીકરી કહીને બોલાવતા હતા.'

આગળ અભિનેત્રીએ કહ્યું, 'તેમને ખબર પડી ગઈ હતી કે હું અભિનયમાં રસ ધરાવું છું. તે એક ગુનેગાર છે અને બધું તેણે જ આયોજન કર્યું હશે.' અભિનેત્રીએ કહ્યું કે સિદ્દીકીના વ્યાવસાયિક વર્તનએ વિચલિત કરનારું વળાંક લીધો હતો.

રેવતીએ કહ્યું કે ફિલ્મના મોકા બહાને એક મીટિંગમાં સિદ્દીકીનું વર્તન કથિત રીતે જાતીય રીતે આક્રમક થઈ ગયું હતું. તેણે કહ્યું, 'શરૂઆતમાં બધું વ્યાવસાયિક લાગી રહ્યું હતું. થોડી ચર્ચા પછી આ વાતચીત જાતીય બની ગઈ. અને સમય સાથે મને સમજાયું કે આ એક જાળ હતી. દરવાજો બંધ હતો...હું અસહાય હતી અને હું ડરી ગઈ હતી.'

અભિનેત્રીએ આગળ વિગતમાં જણાવતા કહ્યું, 'મેં મદદ માંગી હતી, પરંતુ કોઈ સમર્થન મળ્યું નહીં. ત્યાં કોઈ નહોતું. મારી મદદ માટે ત્યાં કોઈ નહોતું. એવું નથી કે મેં આની વિરુદ્ધ કાનૂની પગલાં ન લીધા. એક વખત મેં કાનૂની પગલાં લીધા હતા. પરંતુ હું આ ફરીથી નથી કરી શકતી.'

રેવતીએ કહ્યું જો તમે એ ખાતરી આપો કે તેઓ અમને સુરક્ષા આપશે અને અમારે અમારા સપનાઓની કિંમત નહીં ચૂકવવી પડે તો અમે આગળ આવી શકીએ છીએ. હું પુરાવા સાથે આગળ આવવા માટે તૈયાર છું. તેણે મને મેસેન્જર અને વોટ્સએપ પર મેસેજ મોકલ્યા હતા. પરંતુ શું અમારી પાસે સુરક્ષા છે? હું હજુ પણ મારા કારકિર્દીને ટ્રેક પર લાવવાનો પ્રયાસ કરી રહી છું.