2020માં સૌથી વધુ સર્ચ થયો સુશાંત સિંહ રાજપૂત, ફિમેલ લિસ્ટમાં દીપિકા-કંગાને પછાડી સૌથી ઉપર છે આ હોટ એક્ટ્રેસનું નામ, જાણો

યાહુ ઈન્ડિયાએ વર્ષ 2020માં સૌથી વધુ સર્ચ થનાર સેલિબ્રિટીઓની યાદી જાહેર કરી છે. જો આ લિસ્ટમાં ટોપ-5 Male Bollywood Celebsની વાત કરીએ તો સૌથી ઉપર નામ સુશાંત સિંહ રાજપુતનું છે. સુશાંતે 14 જૂને આત્મહત્યા કરી લીધી હતી અને આ મુદ્દો અનેક મહિના સુધી મીડિયામાં ગૂંજતો રહ્યો હતો.

આ લિસ્ટમાં કંગના બીજા અને દીપિકા પાદુકોણ ત્રીજા નંબરે છે. કંગના આ વર્ષના શરુથી લઈને અંત સુધી ખૂબ ચર્ચામાં રહી હતી. આ સિવાય દીપિકા ડ્રગ્સ કેસમાં નામ આવ્યા બાદ વધુ સર્ચ કરવામાં આવી હતી.

યાહુ ઈન્ડિયાના મોસ્ટ સર્ચ્ડ ફીમેલ બોલિવૂડ એક્ટ્રેસના નામની પણ જાહેરાત કરાઈ છે. જેમાં સૌથી વધુ સર્ચ થનાર મહિલામાં રિયા ચક્રવર્તીનું નામ છે. સુશાંતના મોત બાદ રિયાને સૌથી વધુ સર્ચ કરવામાં આવી હતી. તેણે દીપિકા અને કંગનાને પાછળ પાડી દીધી છે.

લોકડાઉન દરમિયાન એક્ટર સોનુ સુદ પણ લોકોની ખૂબ મદદ કરતો જોવા મળ્યો હતો. જેના કારણે તે ચર્ચામાં રહ્યો હતો.

આ સિવાય દિવંગત ઈરફાન ખાન પણ આ લિસ્ટમાં સામેલ છે. તેઓ પાંચમાં સૌથી વધુ સર્ચ થનાર સેલેબ રહ્યાં. જો કે, તેઓ 53 વર્ષની ઉંમરે આ વર્ષેજ દુનિયાને અલવિદા કહી ચૂક્યાં છે.

લોકડાઉન દરમિયાન સલમાન પણ લોકોની મદદ કરતો જોવા મળ્યો હતો અને તે ચર્ચામાં રહ્યો હતો. જેના કારણે તેને પણ સૌથી વધુ સર્ચ કરવામાં આવ્યો હતો.

બોલિવૂડના ખેલાડી અક્ષય કુમાર લોકડાઉનમાં પણ ઘણો ચર્ચામાં રહ્યો. અક્ષય પોતાની રિલીઝ થઈ ચૂકેલી અને રિલીઝ થનારી આગામી ફિલ્મોને લઈને ચર્ચામાં છે. તે ત્રીજા નંબરે સૌથી વધુ સર્ચ કરવામાં આવ્યો હતો.

આ સિવાય બીજા નંબરે અમિતાભ બચ્ચન સૌથી વધુ સર્ચ થનારી હસ્તી છે. અમિતાભની જલ્દીજ બ્રહ્માસ્ત્ર ફિલ્મ રિલીઝ થવાની છે.