Rasik Dave Death: મહાભારતમાં નંદની ભૂમિકા ભજવનારા રસિક દવેનું નિધન, અરર... ફેમ કેતકી દવેના હતા પતિ

ગુજરાતી કલાકાર રસિક દવેનું 65 વર્ષની વયે નિધન થયું છે. તેઓ અરર... ફેમ કેતકી દવેના પતિ હતા. રસિક દવે કિડનીની બીમારીથી પીડાતા હતા.

અનેક નાટકો, સિરિયલો અને ફિલ્મોમાં અભિનય કરનારા રસિક દવેએ ગઈકાલે સાંજે અંતિમ શ્વાસ લીધા હતા. તેમના પરિવારમાં પત્ની કેતકી દવે અને પુત્રનો સમાવેશ થાય છે.

રસિક દવેના નિધનથી ગુજરાતી કલાકાર જગતમાં ભારે આઘાતની લાગણી ફેલાઈ ગઈ છે. અનેક કલાકારોએ તેમને શ્રદ્ધાજંલિ પાઠવી છે.

બી.આર.ચોપડાની જાણીતી સિરિયલ મહાભારતમાં તેમણે નંદની ભૂમિકા ભજવી હતી. જેના કારણે તેઓ જાણીતા થયા હતા.

વ્યોમકેશ બક્ષી સહિતની સીરિયલમાં તેમનો અભિનય વખણાયો હતો.

રસિક દવે પ્રખર શિવભક્ત હતા.