રૂબિના દૈલિક સાથે બ્રેકઅપ, લગ્નના બે વર્ષમા ડિવોર્સ, આવી છે Avinash Sachdev ની લવ લાઇફ

ટીવી એક્ટર અવિનાશ સચદેવ આ દિવસોમાં બિગ બોસ ઓટીટી 2 માં જોવા મળી રહ્યો છે. બિગ બોસના ઘરમાં તેના અને ફલક નાઝના અફેરની ઘણી ચર્ચા થઈ રહી છે. આ પહેલા તે ઘણી અભિનેત્રીઓને ડેટ કરી ચૂક્યો છે.

અવિનાશ સચદેવ આ પહેલા પણ ઘણી અભિનેત્રીઓને ડેટ કરી ચુક્યો છે. જોકે, લગ્નના બે વર્ષ બાદ જ તેમના છૂટાછેડા થઈ ગયા હતા.

અવિનાશનું પહેલું અફેર ટીવી શો 'છોટી બહુ'માં લીડ રોલ કરનાર રૂબિના દિલૈક સાથે હતું. જોકે, બહુ જલદી બંનેનું બ્રેકઅપ થઈ ગયું હતું.

અવિનાશ સાથેના બ્રેકઅપનું કારણ પણ રૂબિનાએ જણાવ્યું હતું. તેણે અવિનાશ પર તેની સાથે છેતરપિંડી કરવાનો આરોપ લગાવ્યો હતો.

અવિનાશ સચદેવે વર્ષ 2015માં ટીવી એક્ટ્રેસ શામલી દેસાઈ સાથે સાત ફેરા ફર્યા હતા. જોકે બંનેએ લગ્નના બે વર્ષ બાદ જ ડિવોર્સ લઈ લીધા હતા.

છૂટાછેડા પછી અવિનાશે અભિનેત્રી પલક પુરસવાનીને ડેટ કરવાનું શરૂ કર્યું. બંનેએ એકબીજાને 4 વર્ષ સુધી ડેટ કર્યા અને ત્યારબાદ બંનેએ સગાઈ કરી લીધી.

અવિનાશ અને પલક સગાઈ પછી બહુ જલદી લગ્નના બંધનમાં બંધાવાના હતા. પરંતુ કોરોનાના કારણે તેમના લગ્ન થઇ શક્યા નહી. ફેન્સને આશા હતી કે આ કપલ વર્ષ 2022માં લગ્ન કરી લેશે.

પરંતુ કદાચ ભાગ્યને કાંઇક બીજુ મંજૂર હતું. અચાનક અવિનાશ અને પલકના બ્રેકઅપના સમાચાર આવ્યા જેનાથી ફેન્સનું દિલ તૂટી ગયું.

બિગ બોસ ઓટીટીમાં અવિનાશ અને ફલક નાઝ વચ્ચે ઘણી નિકટતા જોવા મળી રહી છે. લાગે છે કે બંને વચ્ચે પ્રેમની શરૂઆત થઈ ગઈ છે