કેમ Kundali Bhagya ની પ્રીતાએ લગ્ન પહેલા તોડી દીધી હતી પોતાની સગાઇ?

ટીવી એક્ટ્રેસ શ્રદ્ધા આર્યા લોકપ્રિય અભિનેત્રીઓમાંની એક છે. અભિનેત્રીની લવ લાઈફ પણ ચર્ચામાં રહી હતી. એકવાર અભિનેત્રીએ તેના મંગેતર સાથેની સગાઈ તોડી નાખી હતી.

એકતા કપૂરની ટીવી સીરિયલ્સ 'કુંડલી ભાગ્ય'માં પ્રીતાનો રોલ કરીને નાના પડદાની રાણી બની ગયેલી શ્રદ્ધા આર્યાને કોઈ પરિચયની જરૂર નથી.

અભિનેત્રીની રીલ અને રિયલ લાઈફ ચર્ચામાં રહે છે. શ્રદ્ધાના અંગત જીવનમાં ઘણા ટ્વિસ્ટ અને ટર્ન આવ્યા. એકવાર અભિનેત્રી તેની સગાઈ તૂટવાને કારણે લાઈમલાઈટમાં આવી હતી.

શ્રધ્ધા આર્યાએ વર્ષ 2015માં એનઆરઆઈ બિઝનેસમેન જયંત રત્તી સાથે સગાઈ કરી હતી. બંને જલ્દી લગ્ન કરવાના હતા, પરંતુ તેમની સગાઈ તૂટી ગઈ હતી.

મીડિયા રિપોર્ટ્સ અનુસાર, તેનો મંગેતર જયંત ઈચ્છતો હતો કે શ્રદ્ધા લગ્ન પછી એક્ટિંગની દુનિયાને અલવિદા કહી દે, જે શ્રદ્ધા ઈચ્છતી નહોતી.

કેટલાક તો એવું પણ કહે છે કે શ્રદ્ધા આર્યા અને તેના મંગેતર જયંતની સગાઈ પછી બધું સારું નહોતું. જયંત સાથેની સગાઈ તોડ્યા પછી શ્રદ્ધા આલમ સિંહ મક્કરના પ્રેમમાં પડી હતી.

આલમ અને શ્રદ્ધા નાના પડદાનું ફેમસ કપલ બની ગયા હતા. બંને 'નચ બલિયે'માં પણ સાથે જોવા મળ્યા હતા, પરંતુ કમનસીબે તેમનો સંબંધ લાંબો સમય ટકી શક્યો નહીં અને થોડા સમય પછી તેઓ અલગ થઇ ગયા હતા.

બે વખત સંબંધ તૂટ્યા પછી શ્રદ્ધાને તેનો નવો પ્રેમ નેવી ઓફિસર રાહુલ નાગલમાં જોવા મળ્યો હતો. શ્રદ્ધાએ એકવાર કહ્યું હતું કે લગ્ન પહેલા તેણે રાહુલ સાથે એક વર્ષ સુધી ગુપ્ત રીતે ડેટ કર્યું હતું.

શ્રદ્ધા આર્યાએ લગ્ન પહેલા ક્યારેય રાહુલ નાગલ વિશે કંઈ જણાવ્યું ન હતું. વર્ષ 2021 માં તેના લગ્નના દિવસે શ્રદ્ધાએ રાહુલનો ચહેરો દુનિયાને બતાવ્યો હતો.