TV Celebs Comeback On OTT: કરણ વાહીથી લઇને જેનિફર સુધી, આ સેલેબ્સે ટીવીમાંથી બ્રેક લીધા બાદ OTT પર કરી વાપસી

દરેક કલાકાર નવી વસ્તુઓ શીખવા માંગે છે. ટીવીમાં એવી સેલિબ્રિટીઓ છે જેમણે દર્શકોના દિલમાં પોતાની છાપ છોડીને થોડા વર્ષો સુધી એક્ટિંગથી અંતર બનાવી દીધું છે અને પછી OTT પ્લેટફોર્મથી ઈન્ડસ્ટ્રીમાં જોરદાર કમબેક કર્યું હતું.

સીરિયલ 'બેહદ' અને 'બેપન્નાહ'માં કામ કરી ચૂકેલી જેનિફર વિંગેટે ટીવીમાં બાળ કલાકાર તરીકે પ્રવેશ કર્યો હતો અને ઘણા દાયકાઓ સુધી અહીં કામ કર્યા બાદ હવે તે OTT સિરીઝમાં જોવા મળે છે. તેની સીરિઝ 'કોડ એમ'ને ખૂબ પસંદ કરવામાં આવી હતી

'સાત ફેરે' ફેમ એક્ટર શરદ કેલકરે ઘણી ટીવી સિરિયલોમાં કામ કર્યું છે. સિરિયલો અને ફિલ્મોમાં કામ કર્યા પછી શરદ 'ધ ફેમિલી મેન' અને 'સ્પેશિયલ ઑપ્સ' સાથે OTT પર પાછો ફર્યો.

'દેવો કે દેવ...મહાદેવ' ફેમ એક્ટર મોહિત રૈના પણ ટીવી બાદ ઓટીટી પર છવાયો છે. તેની સીરિઝ ભૌકાલને દર્શકોએ ખૂબ પસંદ કરી છે. તેણે 'મુંબઈ ડાયરીઝ 26/11' OTT સિરીઝમાં પણ કામ કર્યું છે.

અભિનેત્રી સંજીદા શેખે 'કયામત', 'ક્યા હોગા નિમ્મો કા', 'એક હસીના થી' જેવી અનેક સિરિયલો દ્વારા વર્ષો સુધી ટીવી પર રાજ કર્યું. જો કે, તે ઘણા વર્ષો સુધી અભિનયથી દૂર રહી અને પછી OTT શ્રેણી 'ગહરાઇયાં' દ્વારા ઇન્ડસ્ટ્રીમાં વાપસી કરી છે.

'દિલ મિલ ગયે' અને 'કહાની હમારી દિલ દોસ્તી દીવાનેપન કી' જેવી સીરિયલ્સમાં કામ કરી ચૂકેલા કરણ વાહીએ વર્ષ 2016માં ટીવી ઈન્ડસ્ટ્રીથી અંતર રાખી લીધું છે. જો કે, 2 વર્ષના વિરામ પછી તે OTT પ્લેટફોર્મ પર વેબ સીરિઝ 'સેક્રેડ ગેમ્સ'થી વાપસી કરી હતી. હવે તે ડિઝની પ્લસ હોટસ્ટારની ટીવી સીરિઝ 'ચન્ના મેરેયા'માં જોવા મળી રહ્યો છે.

'કહાની ઘર ઘર કી' અને 'બડે અચ્છે લગતે હૈં' જેવી સુપરહિટ સિરિયલોમાં કામ કરી ચૂકેલી સાક્ષી તંવર ટીવીની સફળ અભિનેત્રીઓમાંની એક છે. તેણે 'માય', 'ડાયલ 100' અને 'ધ ફાઇનલ કૉલ' જેવી ઓટીટી સીરિઝમાં કામ કર્યું છે.

'ઈસ પ્યાર કો ક્યા નામ દૂ' ફેમ અભિનેતા બરુણ સોબતીએ વર્ષો સુધી ટીવી પર રાજ કર્યું અને પછી થોડા સમયના બ્રેક બાદ તેણે OTTમાં એન્ટ્રી મારી છે. 'અસુર' વેબ સિરીઝમાં તેની એક્ટિંગ પ્રશંસનીય હતી.