Sushmita Sen પહેલા આ 8 હીરોઈનો કરી ચુકી છે બિઝનેસમેન સાથે લગ્ન, આજે છે આળોટે છે કરોડોમાં

લલતિ મોદી અનેે સુષ્મિતા સેન

અભિનેત્રી સુષ્મિતા સેન બિઝનેસમેન લલિત મોદીને ડેટ કરી રહી હોવાના અહેવાલો સામે આવ્યા છે. બોલિવૂડ ઇન્ડસ્ટ્રીનું ક્રિકેટ સાથે જેટલું ઊંડું જોડાણ છે તેટલું જ તે બિઝનેસ ઇન્ડસ્ટ્રી સાથે પણ છે. ઘણી વખત મોટા બિઝનેસમેનનું દિલ મોટા પડદાની હિરોઈન પર આવી જાય છે. તે જ સમયે, અભિનેત્રીઓ પોતે પણ ફિલ્મી દુનિયાથી અલગ વ્યવસાય ધરાવતા વ્યક્તિની શોધમાં હોય છે. સિનેમા અને બિઝનેસમાં આવી ઘણી જોડીઓ છે. ઘણી અભિનેત્રીઓએ બિઝનેસમેનને પોતાના સાથી બનાવ્યા છે. ચાલો જાણીએ કઈ અભિનેત્રીઓએ બિઝનેસમેનને ડેટ કરી અને લગ્ન પણ કર્યા.

જુહી ચાવલાએ વર્ષ 1995માં બિઝનેસમેન જય મહેતા સાથે લગ્ન કર્યા હતા. આ દંપતીને એક પુત્ર અને એક પુત્રી છે. જુહી ચાવલા અને જય મહેતાની કુલ સંપત્તિ 254 કરોડ રૂપિયા છે. જૂહીને એકવાર સલમાન ખાને લગ્ન માટે પ્રપોઝ કર્યું હતું અને તેણે ના પાડી દીધી હતી.

અસિને વર્ષ 2016માં માઈક્રોમેક્સના કો-ફાઉન્ડર રાહુલ શર્મા સાથે લગ્ન કર્યા હતા. લગ્ન બાદ અસીને ફિલ્મોને અલવિદા કહી દીધું. આ દંપતીને એક પુત્રી છે. અસિન અને રાહુલ શર્માની કુલ સંપત્તિ 1460 કરોડ રૂપિયા છે.

શિલ્પા શેટ્ટીએ વર્ષ 2009માં બિઝનેસમેન રાજ કુન્દ્રા સાથે લગ્ન કર્યા હતા. આ દંપતીને બે પુત્ર અને એક પુત્રી છે. શિલ્પા શેટ્ટી અને રાજ કુન્દ્રાની કુલ સંપત્તિ 134 કરોડ રૂપિયા છે. તાજેતરમાં, કુન્દ્રા પોર્નોગ્રાફિક સામગ્રીને લઈને પણ ઘણા વિવાદોમાં હતા.

આયેશા ટાકિયાએ વર્ષ 2009માં ફરહાન આઝમી સાથે લગ્ન કર્યા હતા. ફરહાન આઝમી એક બિઝનેસમેન છે અને તેના પિતા રાજકારણી છે. આ કપલની કુલ સંપત્તિ લગભગ 72 કરોડ રૂપિયા છે. બંનેને એક પુત્રી પણ છે.

અક્ષય કુમારના પ્રેમમાં પડ્યા બાદ રવીના ટંડને 2004માં ફિલ્મ ડિસ્ટ્રીબ્યુટર અનિલ થડાની સાથે લગ્ન કર્યા હતા. આ દંપતીને બે દીકરીઓ છે. રવિના ટંડન અને અનિલ થડાનીની કુલ સંપત્તિ 47 કરોડ રૂપિયા છે. રવિના હવે માત્ર ટીવી શોમાં ગેસ્ટ તરીકે જોવા મળે છે.

ઈશા દેઓલે વર્ષ 2012માં ભરત તખ્તાની સાથે લગ્ન કર્યા હતા, ભરત તખ્તાની હીરાના વેપારી છે. આ દંપતીને બે દીકરીઓ છે. ઈશા દેઓલ અને ભરત તખ્તાનીની કુલ સંપત્તિ 136 કરોડ રૂપિયા છે. ઈશાને ધૂમ ગર્લ કહેવામાં આવે છે. કરિયર ડૂબ્યા બાદ તેણે લગ્ન પહેલા જ ફિલ્મોથી દૂરી બનાવી લીધી હતી.

સોનમ કપૂરે વર્ષ 2018માં બિઝનેસમેન આનંદ આહુજા સાથે લગ્ન કર્યા હતા. આનંદ આહુજા શુઝ કંપનીના માલિક છે. તેઓ દિલ્હીના મોટા ઉદ્યોગપતિ છે. આજે સોનમ લગભગ 4773 કરોડની માલિક છે.

રાની મુખર્જીએ વર્ષ 2014માં ફિલ્મમેકર આદિત્ય ચોપરા સાથે લગ્ન કર્યા હતા. તેમને એક પુત્રી આદિરા પણ છે. રાની મુખર્જી અને આદિત્ય ચોપરાની કુલ સંપત્તિ 6500 કરોડ રૂપિયા છે. લગ્ન પછી પણ રાની ફિલ્મો અને વેબ સિરીઝમાં સક્રિય છે.