માથાના દુખાવાને હળવાશથી ન લો, આ 6 ગંભીર બીમારીઓ તરફ કરે છે ઈશારો

માથાના દુખાવાને હળવાશથી ન લો, આ 6 ગંભીર બીમારીઓ તરફ કરે છે ઈશારો

પ્રતિકાત્મક તસવીર

લોકો ઘણીવાર માથાના દુખાવા પર વધુ ધ્યાન આપતા નથી. માથાના દુખાવાને થાક, તણાવ અથવા ઊંઘના અભાવનું પરિણામ માને છે, પરંતુ શું તમે જાણો છો કે વારંવાર અથવા લાંબા સમય સુધી રહેતો માથાનો દુખાવો ફક્ત એક સામાન્ય સમસ્યા નથી, પરંતુ તે કોઈ ગંભીર રોગની નિશાની પણ હોઈ શકે છે ?

માઈગ્રેન: માઈગ્રેનનો દુખાવો તીવ્ર અને ધબકતો હોય છે. તે ઉબકા, રોશની અને અવાજ પ્રત્યે સંવેદનશીલતાનું કારણ પણ બને છે. જો માથાનો દુખાવો વારંવાર એક જ બાજુ થતો હોય, તો તે માઈગ્રેનનો સંકેત હોઈ શકે છે.

હાઈ બ્લડ પ્રેશર: હાઈ બીપીમાં સવારે ઉઠ્યા પછી અથવા દિવસભર માથાનો દુખાવો ઘણીવાર દબાણ જેવો લાગે છે. સતત માથાનો દુખાવો બ્લડ પ્રેશર અસંતુલનનું ગંભીર લક્ષણ હોઈ શકે છે.

સાઇનસ ઈન્ફેક્શન: સાઇનસની સમસ્યામાં કપાળ, આંખો અને નાકની આસપાસ ભારેપણું અને દુખાવો થાય છે. માથું નમાવવાથી અથવા ઝટકાથી દુખાવો વધુ વધે છે. તેને સામાન્ય માથાનો દુખાવો માનવાની ભૂલ ન કરો.

મગજની ગાંઠ: સતત અને અસામાન્ય માથાનો દુખાવો, જે દવા લીધા પછી પણ ઓછો થતો નથી તે મગજની ગાંઠનું પ્રારંભિક સંકેત હોઈ શકે છે. આ સાથે ઉલટી અને ઝાંખી દ્રષ્ટિ પણ જોવા મળે છે.

કિડનીની સમસ્યા: પાણીની અછત અથવા કિડનીની સમસ્યાઓને કારણે પણ માથાનો દુખાવો શરૂ થઈ શકે છે. શરીરમાં ઇલેક્ટ્રોલાઇટ્સનું અસંતુલન મગજને અસર કરે છે અને તીવ્ર પીડા પેદા કરી શકે છે.

સ્ટ્રોકની નિશાની: જો માથાનો દુખાવો અચાનક અને ખૂબ જ તીવ્ર હોય બોલવામાં, જોવામાં કે ચાલવામાં મુશ્કેલી પડતી હોય, તો તે સ્ટ્રોકનું ગંભીર સંકેત હોઈ શકે છે. આવી સ્થિતિમાં, તાત્કાલિક ડૉક્ટરનો સંપર્ક કરવો મહત્વપૂર્ણ છે.