Late Night Eating: જો તમને પણ મોડી રાત્રે ખાવાની ટેવ હોય તો ચેતીજજો, જાણો કેટલી ગંભીર છે આ કુટેવ

યોગ્ય આહાર દિનચર્યા સ્વાસ્થ્ય માટે ફાયદાકારક છે, પરંતુ જ્યારે આ દિનચર્યા ખોરવાઈ જાય છે, ત્યારે અનેક પ્રકારની સમસ્યાઓ થઈ શકે છે. ઘણા લોકો મોડી રાત્રે ખોરાક લે છે, જે તેમના સ્વાસ્થ્ય માટે હાનિકારક હોઈ શકે છે.

શું તમે પણ મોડી રાત્રે ભોજન કરો છો? જો તમારા વ્યસ્ત શેડ્યૂલને કારણે તમારી ખાવાની દિનચર્યા ખોરવાઈ જાય છે, તો સાવચેત રહો. કારણ કે રાત્રે ખૂબ મોડા એટલે કે ખોટા સમયે ખાવાથી ઘણી શારીરિક સમસ્યાઓ થઈ શકે છે.

જો તમને મધ્યરાત્રિએ કંઈક ખાવાનું મન થાય, એટલે કે તમને ક્રેવિંગ થઈ રહી હોય અથવા મોડા રાત્રિભોજન કરો છો, તો સ્થૂળતા ઝડપથી વધી શકે છે. પછી ન તો પરેજી પાળવાની અસર દેખાશે અને ન તો કસરતનો બહુ ફાયદો થશે. વજન સતત વધતું જાય છે. કારણ કે મોડી રાત્રે ખાવાથી મેટાબોલિઝમ ધીમું પડી જાય છે.

જો તમે મોડી રાત્રે ભોજન કરો છો તો તે યોગ્ય રીતે પચતું નથી. તેનાથી સ્વાસ્થ્યને વધારે ફાયદો થતો નથી. આ પાચન તંત્રને ગંભીર રીતે નુકસાન પહોંચાડે છે. જેના કારણે ગેસ, એસિડિટી અને અપચો જેવી સમસ્યાઓ પણ વધી શકે છે. એટલા માટે રાત્રે વહેલા જમી લો અને પછી થોડો સમય વોક કરો.

મોડી રાત્રે ખોરાક ખાવાથી બ્લડ પ્રેશરમાં પણ વધઘટ થઈ શકે છે. મોડા ખાવાની આદતથી ડાયાબિટીસ અને કોલેસ્ટ્રોલની સમસ્યા થઈ શકે છે. દરરોજ યોગ્ય સમયે ખોરાક લો, મોડી રાત્રે જમવું હૃદયના સ્વાસ્થ્ય માટે પણ સારું નથી. જેના કારણે ઘણી બીમારીઓ થઈ શકે છે.

મોડી રાત્રે ખાવાથી બીજા દિવસે માથાનો દુખાવો, ગેસ, એસિડિટી, કબજિયાત જેવી સમસ્યાઓ થઈ શકે છે. ખોરાક ગમે તેટલો પૌષ્ટિક હોવા છતાં શરીરને જરૂરી પોષક તત્વો મળતા નથી અને એનર્જી ઓછી થઈ જાય છે. જેના કારણે થાક અને સુસ્તી ચાલુ રહે છે.