એક દિવસમાં કેટલી બદામ ખાવી જોઇએ? જાણો તેનાથી થતા ફાયદાઓ

લગભગ દરેક વ્યક્તિ પોતાના ડાયટમાં અને હેલ્ધી ફ્રૂડ્સને લિસ્ટમાં બદામનો સમાવેશ કરે છે. બદામ એક પાવરફૂલ ડ્રાઇ ફ્રૂટ છે. જે પ્રોટીન, હેલ્ધી ફેટ અને ફાઇબરથી ભરપૂર હોય છે.

પ્રતિકાત્મક તસવીર

લગભગ દરેક વ્યક્તિ પોતાના ડાયટમાં અને હેલ્ધી ફ્રૂડ્સને લિસ્ટમાં બદામનો સમાવેશ કરે છે. બદામ એક પાવરફૂલ ડ્રાઇ ફ્રૂટ છે. જે પ્રોટીન, હેલ્ધી ફેટ અને ફાઇબરથી ભરપૂર હોય છે. તેથી, બદામ હૃદયના સ્વાસ્થ્ય અને એકંદર સ્વાસ્થ્ય માટે ખૂબ જ ફાયદાકારક માનવામાં આવે છે. જોકે, ઘણા લોકો વજન વધવાના ડરથી બદામ ખાતા નથી. અને કેટલાક લોકો વજન વધારવા અને સ્વસ્થ ચરબી મેળવવા માટે ખૂબ બદામ ખાય છે. આવી સ્થિતિમાં, દરેક વ્યક્તિએ જાણવું જોઈએ કે દિવસમાં કેટલી બદામ ખાઈ શકાય.

એક દિવસમાં 50 ગ્રામ બદામ ખાવાથી તમારા સ્વાસ્થ્યને ફાયદો થાય છે. દરરોજ 50 ગ્રામ બદામ ખાવાથી વજન વધતું નથી. તેના બદલે તે બેડ કોલેસ્ટ્રોલ અને બ્લડ પ્રેશરને નિયંત્રિત કરવામાં મદદ કરી શકે છે. ઘણા સંશોધનો અનુસાર, મોટાભાગના લોકો ડાયાબિટીસ, હાઈ બ્લડ પ્રેશર અને હૃદય રોગથી પીડાઈ રહ્યા છે. આવી સ્થિતિમાં, જો બદામ જેવા સુપરફૂડ્સને રોજિંદા ડાયટમાં સામેલ કરવામાં આવે તો તે આ રોગોને ઘટાડવામાં મદદ કરી શકે છે.

દરરોજ 50 ગ્રામ બદામ ખાવાથી શરીરમાં લોહીની ઉણપ દૂર થાય છે. કારણ કે તેમાં હિમોગ્લોબિનનું પ્રમાણ વધારવાના ગુણધર્મો છે. બીજી બાજુ જો બદામ લાંબા સમય સુધી દરરોજ ખાવામાં આવે તો તેની અસર વધુ સારી થઈ શકે છે.

એક દિવસમાં 50 ગ્રામ બદામ ખાવાથી પાચન સમસ્યાઓ, પિમ્પલ્સ અને એલર્જી જેવી સમસ્યાઓ ઓછી થાય છે અને બદામમાં હાજર ઓમેગા 3 ફેટી એસિડ હૃદય માટે ખૂબ જ ફાયદાકારક માનવામાં આવે છે. તેથી, દરરોજ 50 ગ્રામ બદામ ખાવાથી હાર્ટ એટેક અને સ્ટ્રોક જેવી ગંભીર સમસ્યાઓનું જોખમ પણ ઓછું થાય છે.

આ ઉપરાંત દરરોજ તમારા ડાયટમા 50 ગ્રામ બદામનો સમાવેશ કરવાથી યાદશક્તિ વધારવામાં મદદ મળી શકે છે. યાદશક્તિ તેજ કરવા માટે બદામ ઘણીવાર શ્રેષ્ઠ માનવામાં આવે છે. અને બદામ ખાવાથી શરીરને પુષ્કળ ઉર્જા મળે છે. આ સાથે, બદામમાં વિટામિન E અને એન્ટી-ઓક્સીડેન્ટ ગુણો જોવા મળે છે જે ત્વચા સંબંધિત સમસ્યાઓને દૂર કરવામાં પણ મદદ કરી શકે છે.

નિષ્ણાતોના મતે, દરરોજ સવારે ખાલી પેટે 50 ગ્રામ બદામ ખાવાથી ફાયદો થાય છે. આનાથી શરીર આખો દિવસ ઉર્જાથી ભરેલું રહે છે. કારણ કે બદામ ઉર્જાનો શ્રેષ્ઠ સ્ત્રોત છે. આ ઉપરાંત, તમે કોઈપણ પ્રકારની ભારે કસરત પહેલાં બદામ પણ ખાઈ શકો છો. અને જો તમે ઈચ્છો તો, તમે તમારા પ્રોટીનનું સેવન પૂર્ણ કરવા માટે વર્કઆઉટ પછી બદામને બીજી ઘણી વસ્તુઓ સાથે જોડીને ખાઈ શકો છો.

બદામ શરીરમાં નેચરલ સુગર અને હેલ્ધી ફેટનું સંતુલન કરે છે. તેથી તમે તેને સફરજન, કેળા અથવા કોઈપણ ફળ સાથે ખાઈ શકો છો, કારણ કે આ બધાને ફાઇબરથી ભરપૂર નાસ્તા માનવામાં આવે છે. આ ઉપરાંત, તમે બદામને દૂધ, ગ્રીક દહીં અને ડાર્ક ચોકલેટ સાથે પણ ખાઈ શકો છો. તમે સૂકી બદામ અથવા પલાળેલી બદામ પણ ખાઈ શકો છો કારણ કે પલાળેલી બદામ ખાવાથી પેટ સારું રહે છે.