Over Hydration: એક સાથે વધુ પાણી પીવું પણ છે ખતરનાક, ગુમાવી શકો છો જીવ

જો તમારું શરીર ડિહાઇડ્રેટેડ હોય ત્યારે તમને વધુ પાણી પીવાનું મન થાય તો એક સાથે ઘણું પાણી ન પીવો. એક ગ્લાસમાં પાણી લો અને તેમાં થોડું મીઠું નાખો. આનાથી વોટર ટોક્સિસિટી નહી થાય

ઉનાળામાં પરસેવાના કારણે ખૂબ તરસ લાગે છે. ડિહાઇડ્રેશનથી બચવા લોકો સતત પાણી પીતા રહે છે. આરોગ્ય નિષ્ણાતો પણ પાણી પીવાની ભલામણ કરે છે પરંતુ ઘણી વખત લોકો તેમની તરસ છીપાવવા માટે વધુ પડતું પાણી પીવે છે, જે ખતરનાક હોઈ શકે છે

આ આદત મૃત્યુનું કારણ પણ બની શકે છે. આનાથી વોટર ટોક્સિસિટી થઈ શકે છે, જેને જીવલેણ માનવામાં આવે છે. એટલા માટે ક્યારેય એક સાથે ઘણું પાણી ન પીવું જોઈએ. જાણો દિવસ દરમિયાન વધુ પડતું પાણી પીવાના ગેરફાયદા.

ઉનાળામાં તડકામાંથી બહાર આવ્યા પછી શરીર ડિહાઇડ્રેટેડ થઈ જાય છે અને તરસ લાગે છે. તરસને છીપાવવા માટે લોકો એક કે બે ગ્લાસને બદલે વધુ પાણી પીવે છે. જેના કારણે શરીરમાં ઈલેક્ટ્રોલાઈટ બેલેન્સ બગડવા લાગે છે અને સોડિયમની માત્રા અચાનક ઘટી જાય છે.

લોહીમાં સોડિયમ ઓછું હોવાને કારણે શરીરમાં સોજો આવવા લાગે છે. જો તેની યોગ્ય સમયે સારવાર ન કરવામાં આવે તો તે મૃત્યુ પણ તરફ દોરી શકે છે.

જો તમારું શરીર ગરમ હોય અથવા ડિહાઇડ્રેટેડ હોય ત્યારે તમને વધુ પાણી પીવાનું મન થાય તો એક સાથે ઘણું પાણી ન પીવો. એક ગ્લાસમાં પાણી લો અને તેમાં થોડું મીઠું નાખો. આનાથી વોટર ટોક્સિસિટી નહી થાય. આ સિવાય નારિયેળ પાણી, લીંબુ પાણી, તાજા ફળોનો રસ પીવાથી તરસ છીપાય છે અને વોટર ટોક્સિસિટીનું જોખમ રહેતું નથી.

જ્યારે પણ તમે ગરમ હવામાનમાં ઘરની બહાર જાવ ત્યારે તમારા શરીરને હાઇડ્રેટ રાખવા માટે વસ્તુઓ સાથે લો. પાણી સિવાય એવા ફળો તમારી સાથે રાખો જેમાં પાણીની માત્રા વધુ હોય. શરીરને હાઇડ્રેટ રાખવા માટે નારિયેળ પાણી શ્રેષ્ઠ વિકલ્પ છે. જેના કારણે તરસ લાગતી નથી અને વધારે પાણી પીવાનું પણ ટાળે છે.