Cracked Heels Remedy : આ સરળ પદ્ધતિથી ફાટેલી એડીઓથી છૂટકારો મેળવો!

Cracked Heels Remedy : શિયાળામાં તમારી એડી નરમ રાખવા માટે દરરોજ નારિયેળ તેલ, મોઇશ્ચરાઇઝર અથવા ઘરે બનાવેલા મિશ્રણનો ઉપયોગ કરીને તમારા પગને સ્વચ્છ રાખો.

ફાટેલી એડીઓથી છુટકારો મેળવો

શિયાળામાં એડીની ત્વચા સખત બની જાય છે. ક્યારેક તિરાડો થઈ જાય છે અને ચાલવું મુશ્કેલ બની જાય છે. જો સારવાર ન કરવામાં આવે તો તે પીડા અને ચેપનું કારણ પણ બની શકે છે.

ખુલ્લા પગે ચાલવાથી, સેન્ડલ પહેરવાથી અથવા ઠંડા પાણીમાં રહેવાથી ત્વચા સૂકી થઈ શકે છે અને એડી ફાટી શકે છે. મોઈશ્ચરાઈઝર લગાવવાથી આ સમસ્યાને રોકવામાં મદદ મળી શકે છે.

ગુલાબજળ, લીંબુનો રસ અને ગ્લિસરીન એકસાથે મિક્સ કરો. આ મિશ્રણને બોટલમાં ભરીને રાખો. દરરોજ સૂતા પહેલા તેને તમારા પગ પર લગાવો અને માલિશ કરો. આનાથી તમારી એડી નરમ અને મુલાયમ રહેશે.

પાકેલા કેળા, મધ અને એલોવેરા જેલ મિક્સ કરીને પેસ્ટ બનાવો. આ પેસ્ટને તમારા પગ પર 10થી 15 મિનિટ સુધી માલિશ કરો. અઠવાડિયામાં ત્રણ વાર આનો ઉપયોગ કરો. તમારા પગ એનાથી નરમ અને ચમકદાર બનશે.

તમારા પગ હંમેશા સ્વચ્છ રાખો. રાત્રે સૂતા પહેલા નારિયેળ તેલ અથવા એરંડાનું તેલ લગાવો. હળવા હાથે માલિશ કરો અને મોજાં પહેરો. ખુલ્લા પગવાળા સેન્ડલને બદલે નરમ, બંધ પગવાળા જૂતા પહેરો.

Continues below advertisement

Disclaimer: તમામ જાણકારી મીડિયા રિપોર્ટ્સ પર આધારીત છે, અમલ કરતા અગાઉ નિષ્ણાંતની સલાહ લો.