How Often To Wash Clothes: વગર ધોયે કપડા કેટલા દિવસ સુધી પહેરી શકાય? જાણો

How Often To Wash Clothes: દરરોજ દરેક કપડાં ધોવાની જરૂર નથી. પરંતુ લાંબા સમય સુધી વગર ધોયે કપડાં પહેરતા રહેવું સ્વાસ્થ્ય માટે હાનિકારક છે. તો કયા પ્રકારના કપડાં કેટલા દિવસ સુધી વગર ધોયે પહેરી શકાય?

વગર ધોયે કપડા કેટલા દિવસ સુધી પહેરી શકાય

શિયાળામાં પરસેવો ઓછો આવે છે. આવી સ્થિતિમાં સ્વેટર, શર્ટ જેવા કપડાં તમે અઠવાડિયામાં એક વખત ધોઈ શકો છો. આ પ્રકારના કપડાં 3થી 4 વખત સુધી વગર ધોયે પહેરવા યોગ્ય છે.

ACના ઓફિસમાં કામ કરતા લોકો જીન્સ અને પેન્ટ પણ 3થી 4 વખત સુધી પહેરી શકે છે. શિયાળામાં જેકેટ સૌથી ઉપરની લેયર તરીકે હોય છે, જેના પર ધૂળ, માટી અને ગંદકી વધારે લાગે છે. તેથી જેકેટને 15થી 20 દિવસે એકવાર ધોવું જોઈએ.

જીન્સને 10થી 15 દિવસ સુધી વગર ધોયે પહેરી શકો. જોકે, નિષ્ણાતો જણાવે છે કે પરસેવો ઉત્પન્ન થતા બેક્ટેરિયા સિવાય, જિમ અથવા સ્પોર્ટ્સ વેર પર સ્ટેફિલોકોકસ ઑરિયસ જેવા હાનિકારક બેક્ટેરિયા લાગવાની શક્યતા વધુ રહે છે.

આ કારણે ત્વચાની એલર્જી તેમજ ગંભીર બીમારીઓ થવાનો ખતરો વધી શકે છે. તેથી પરસેવો ભીંજાયેલા જિમના કપડાં રોજ ધોવા જરૂરી છે.

Disclaimer: અહીં, પૂરી પાડવામાં આવેલ વિગતો માત્ર ધારણાઓ અને માહિતી પર આધારિત છે. એબીપી અસ્મિતા કોઈપણ પ્રકારની માન્યતા, માહિતીને સમર્થન આપતું નથી.

Continues below advertisement