Lifestyle: ઉંમર પ્રમાણે દરરોજ કેટલા કલાક કસરત કરવી જોઈએ, WHO એ જાહેર કરી ગાઈડલાઈન

વર્લ્ડ હેલ્થ ઓર્ગેનાઈઝેશન (world health organization) અનુસાર, જે લોકો નિયમિત કસરત કરે છે તેઓ મૃત્યુનું જોખમ 20-30 ટકા ઘટાડે છે. સંસ્થાના મતે દરેક વ્યક્તિ જોઈએ તેટલી કસરત નથી કરતી.

WHO અનુસાર દરેક વ્યક્તિએ તેના શરીર પ્રમાણે કસરત કરવી જોઈએ. WHO એ શારીરિક પ્રવૃત્તિ પર માર્ગદર્શિકા (who guideline on exercise) શેર કરી છે.

બાળકે દિવસમાં ઓછામાં ઓછો એક કલાક કસરત કરવી જોઈએ. અઠવાડિયામાં ઓછામાં ઓછા 3 દિવસ ઝડપી એરોબિક (aerobics) કસરત કરવી જોઈએ. તેનાથી હાડકાં અને સ્નાયુઓ મજબૂત થાય છે.

યુવાનોએ ઓછામાં ઓછી 2-3 કલાક કસરત કરવી જોઈએ, આનાથી સ્નાયુઓ મજબૂત રહેશે.

વૃદ્ધ લોકોએ અઠવાડિયામાં 2-3 વખત તાકાત અને સંતુલનની તાલીમ લેવી જોઈએ. તેનાથી તેમનું શરીર સ્વસ્થ રહે છે.