Red Gold Spice: આ મસાલાને કહેવામાં આવે છે લાલ સોનું, જાણો કયાં દેશમાં થાય છે સૌથી વધારે ઉત્પાદન

Red Gold Spice: દુનિયામાં એક એવો મસાલો છે જેને “રેડ ગોલ્ડ” તરીકે ઓળખવામાં આવે છે. ચાલો જાણીએ કયો મસાલો છે અને કેમ તેને લાલ સોનું કહેવામાં આવે છે.

રેડ ગોલ્ડ મસાલો, કેસર

આ મસાલાની કિંમત, કિંમતી ધાતુઓ સાથે કરવામાં આવે છે. તેના તાતણા એક-એક કરીને ગણવામાં આવે છે. આ મસાલો છે કેસર

કેસરને તેની વધારે કિંમત અને દુર્લભતા માટે “રેડ ગોલ્ડ” કહેવામાં આવે છે. તેની કિંમત લગભગ આશરે 3 લાખ પ્રતિ કિલોગ્રામ સુધી પહોંચી શકે છે. વજનના આધારે, તે ઘણી કિંમતી ધાતુઓ કરતા પણ વધારે કિંમત ધરાવે છે.

કેસરનુ સૌથી વધુ ઉત્પાદન ઇરાનમાં થાય છે. વિશ્વના લગભગ 90% કેસરનું ઉત્પાદન ઇરાનમાં થાય છે. ખાસ કરીને ખોરાસાન પ્રાંતને કેસર ખેતીનું હ્યદય માનવામાં આવે છે.

ભારત દેશ કેસરના ઉત્પાદનમાં દુનિયામાં બીજા ક્રમે આવે છે. ભારતનું મુખ્ય કેસર ઉત્પાદન જમ્મુ અને કાશ્મીરના પમ્પોર વિસ્તારમાં કરવામાં આવે છે. કાશ્મીરી કેસર તેની ઊંડા રંગ અને તીવ્ર સુગંધ માટે આખી દુનિયામાં પ્રખ્યાત છે.

ઇરાન અને ભારત બાદ ઘણા નાના દેશો પણ વૈશ્વિક કેસર પુરવઠામાં મહત્વપૂર્ણ યોગદાન આપે છે. તેમાં અફગાનિસ્તાન, સ્પેન, ગ્રીસ અને મોરોક્કો સામેલ છે. સ્પેન, ભલે ઓછું ઉત્પાદન કરે, છતાં વૈશ્વિક કેસર બ્રાન્ડિંગ અને નિકાસમાં મોટું કામ કરે છે.

Continues below advertisement

કેસરની ખેતીમાં ખૂબ મહેનત લાગે છે. દરેક ફૂલને હાથથી તોડવું પડે છે. આ પ્રક્રિયા સામાન્ય રીતે સૂર્ય ઉગતા પહેલા શરૂ થાય છે. સ્ટિગ્માને હાથથી અલગ કરવું પડે છે. માત્ર 1 કિલોગ્રામ કેસર બનાવવા માટે લગભગ 1.5 લાખ ફૂલોની જરૂર પડે છે. કોઈ મશીન આ કામ કરી શકતી નથી, જેના કારણે ઉત્પાદન ધીમું થાય છે અને ખર્ચ વધારે આવે છે.

ક્રોકસ સેટીવસ (કેસરનું ફૂલ) વર્ષે ફક્ત એકવાર અને થોડા અઠવાડિયાં માટે ફૂલે છે. આ સમયગાળામાં હવામાનમાં કોઈ પણ વિક્ષેપ ફસલને બગાડી શકે છે. આ કારણસર કેસર દુર્લભ અને મોંઘું હોય છે.

Disclaimer: અહીં, પૂરી પાડવામાં આવેલ વિગતો માત્ર ધારણાઓ અને માહિતી પર આધારિત છે. એબીપી અસ્મિતા કોઈપણ પ્રકારની માન્યતા, માહિતીને સમર્થન આપતું નથી.