રેબેકા સિડ્રોમના કારણે ઝડપથી તૂટી રહ્યા છે સંબંધો, જાણો શું છે આ બીમારી?

ડિજિટલ અને ડેટિંગ એપ્સના યુગમાં સંબંધો લાંબા સમય સુધી ટકતા નથી. કોઈ ને કોઈ કારણસર સંબંધો અમુક સમયમાં જ ખતમ થઈ જાય છે. આમાંનું એક કારણ રેબેકા સિન્ડ્રોમ છે. આ એક પ્રકારનો માનસિક તણાવ છે, જે તમને અંદરથી એટલો પરેશાન કરે છે કે સંબંધો નિભાવવા મુશ્કેલ બની જાય છે.

આ કારણે સંબંધોમાં એટલી બધી મુશ્કેલીઓ ઊભી થાય છે કે છૂટા પડવા કે બ્રેકઅપ સિવાય બીજો કોઈ ઉપાય જણાતો નથી. આવી સ્થિતિમાં ચાલો જાણીએ કે આ 'રેબેકા સિન્ડ્રોમ' શું છે, જે પાર્ટનર્સ વચ્ચેનું અંતરને વધારે છે.

જ્યારે તમે તમારા પાર્ટનરને તમારા એક્સ વિશે કહો છો અને તે તેના વિશે વિચારીને તણાવ અથવા અસ્વસ્થ અનુભવવા લાગે છે તો આ સ્થિતિને રેબેકા સિન્ડ્રોમ કહેવામાં આવે છે. જેના કારણે પાર્ટનરને એક્સની ઈર્ષ્યા થાય છે, પાર્ટનરની શંકા વધી જાય છે અને જૂના મુદ્દાઓ પર ઝઘડા થવા લાગે છે. આમાં તમારા પાર્ટનરના ‘એક્સ’ વિશે વધુ પડતી માહિતી મેળવવી, તેના વિશે ટિપ્પણી કરવી અથવા ભૂતકાળ વિશે વારંવાર વાત કરીને તેને હેરાન કરવી, તેના ફોન, મેસેજ, કૉલ્સ તપાસવા જેવી સમસ્યાઓનો સમાવેશ થાય છે. આમાં ઇનસિક્યોરિટી એટલી વધી જાય છે કે પાછળથી સંબંધોમાં તિરાડ આવવા લાગે છે.

રેબેકા સિન્ડ્રોમના લક્ષણો શું છે: 1. આત્મવિશ્વાસનો અભાવ 2. મનમાં હંમેશા ઈર્ષ્યાની લાગણી 3. નિષ્ફળતાનો ડર. 4. બીજાઓ પાસેથી ઊંચી અપેક્ષાઓ રાખવી. 5. એકલતાનો અનુભવ કરવો.

રેબેકા સિન્ડ્રોમથી કેવી રીતે બચવું: તમારી જાતને મોનિટર કરો અને તમારા પર ધ્યાન કેન્દ્રિત કરો. કોઈપણ સમસ્યાના મૂળને સમજો અને લાગણીઓને દબાવવાને બદલે શાંતિથી વાત કરો. સંબંધોની સમસ્યાઓ ઉકેલવાનો પ્રયાસ કરો. જો તમારા મનમાં કોઈ બાબતને લઈને આ ચિંતાઓ હોય તો ખુલીને વાત કરો. તમારા જીવનસાથીને મનાવવાનો પ્રયાસ કરો. તમારા મનને શાંત કરો અને માનસિક સ્વાસ્થ્ય પર ધ્યાન આપો. સોશિયલ મીડિયા પર તમારા પાર્ટનરના એક્સનો પીછો કરવાનું ટાળો. તમારા પાર્ટનર પર શંકા ન કરો, તમારા ટ્રિગર પોઈન્ટ્સને ઓળખો, તમારી મનપસંદ પ્રવૃત્તિઓમાં તમારી જાતને સામેલ કરો.