Heatwave Alert:અગનવર્ષો માટે રહો તૈયાર દેશના આ રાજ્યમાં ફરી હિટવેવની આગાહી

હવામાન વિભાગે ઝારખંડ, બિહાર અને પૂર્વી ઉત્તર પ્રદેશમાં 24 થી 27 એપ્રિલ સુધી હિટવેવની આગાહી કરી છે.

હવામાન વિભાગે કહ્યું કે 23 અને 24 એપ્રિલે ઉત્તરપૂર્વ ભારતમાં અલગ-અલગ સ્થળોએ વીજળી અને તેજ પવન સાથે વરસાદની સંભાવના છે.

IMDએ કહ્યું કે, અરુણાચલ પ્રદેશમાં ઘણી જગ્યાએ ભારે વરસાદ પડી શકે છે. નાગાલેન્ડ, આસામ અને મણિપુરમાં તોફાન આવવાની સંભાવના છે.

હવામાન વિભાગે કહ્યું કે, 26 અને 27 એપ્રિલે પંજાબ અને હરિયાણામાં અલગ-અલગ સ્થળોએ કરા પડવાની સંભાવના છે.

બુધવારે દિલ્હીમાં આકાશ આંશિક વાદળછાયું રહેશે અને દિવસ દરમિયાન ભારે પવન ફૂંકાશે. મહત્તમ અને લઘુત્તમ તાપમાન અનુક્રમે 37 અને 23 ડિગ્રી સેલ્સિયસ વચ્ચે રહી શકે છે.