Ahmedabad Weather: વાતાવરણમાં આવેલા પલટાથી શહેરમાં ધુમ્મસભર્યુ વાતાવરણ, વિઝિબિલિટી થઈ ડાઉન

Ahmedabad Weather Update: રાજ્યના વાતાવરણમાં આવેલા પલટાની અસર અમદાવાદ સહિત અનેક શહેરોમાં જોવા મળી રહી છે. સવારથી જ વાતાવરણ ધુમ્મસભર્યુ છે.

અમદાવાદમાં ધુમ્મસ

અમદાવાદમાં ધુમ્મસના કારણે વિઝિબિલિટી ઘટી ગઈ છે. જેના કારણે વાહન ચાલકો ધોળા દિવસે પણ લાઇટ ચાલું રાખીને વાહન ચલાવવા મજબૂર બન્યા છે.

અમદાવાદ શહેરના બોપલથી લઈ નિકોલ સુધીના વિસ્તારમાં ધુમ્મસભર્યુ વાતાવરણ છે.

રાજ્યમાં છેલ્લા કેટલાય દિવસથી વાતાવરણમાં પલટો જોવા મળી રહ્યો છે. હવામાન વિભાગે હજુ પણ બે દિવસ કમોસમી વરસાદની આગાહી કરી છે.

હવામાન વિભાગે આજે પાટણ, મહેસાણા, ગાંધીનગર, અમદાવાદ, આણંદ, ભરૂચ, સુરત, ડાંગ, તાપી, નવસારી, વલસાડ, સુરેંદ્રનગર, જૂનાગઢ, જામનગર, ભાવનગર, મોરબી, બોટાદ અને કચ્છમાં વરસાદની આગાહી કરી છે.

આવતીકાલે સાબરકાંઠા, ગાંધીનગર, અમદાવાદ, નર્મદા, સુરત, ડાંગ, તાપી, નવસારી, વલસાડ, સુરેંદ્રનગર, રાજકોટ, ભાવનગર અને બોટાદમાં માવઠાની સંભાવના છે.