Ahmedabad Plane Crash: ભાવનગરનો મેડીકલ વિદ્યાર્થી જમવા ગયોને મળ્યું મોત, મતૃદહે ગામમાં પહોંચતા કાળો કલ્પાંત

Ahmedabad Plane Crash: ભાવનગરનો મેડીકલ વિદ્યાર્થી જમવા ગયોને મળ્યું મોત, મતૃદહે ગામમાં પહોંચતા કાળો કલ્પાંત

ભાવનગરનો મેડીકલ વિદ્યાર્થી જમવા ગયોને મળ્યું મોત

Ahmedabad Plane Crash: અમદાવાદ પ્લેન ક્રેશની ઘટનાને લઈ ગુજરાત સહિત સમગ્ર દેશ હચમચી ગયો છે. આ દુર્ઘટનામાં પ્લેનમાં સવાર મુસાફરો અને ક્રૂ મેમ્બર સહિત 241 લોકોના મોત થયા છે. માત્ર એક વ્યક્તિનો જીવ બચ્યો છે. આ સિવાય પ્લેન જ્યાં ક્રેશ થયું તે બીજે મેડીકલના મેસમાં પણ તબીબી વિદ્યાર્થીઓ જમતા હતા તેમના પણ મોત થયા છે. આ પ્લેન ક્રેશની ઘટનામાં ભાવનગરના આશાસ્પદ તબીબી વિદ્યાર્થી રાકેશ દિયોરાનું અમદાવાદ પ્લેન ક્રેશ દુર્ઘટનામાં નિધન થયું છે.

ખેતી કામ સાથે સંકળાયેલ પરિવારના આશાસ્પદ મેડિકલ સ્ટુડન્ટનું અમદાવાદની બી.જે મેડિકલ કોલેજમાં એડમિશન મળ્યું હતું. રાકેશ દિયોરા બીજા વર્ષમાં અભ્યાસ કરી રહ્યો હતો. ગઈકાલે પ્લેન દુર્ઘટનામાં આ યુવાનનું મોત નીપજ્યું છે. હાલ તેમની ડેડબોડીને તેમના ગામ લાવવામાં આવી છે.

રાકેશ દિયોરા પોતાના નિત્યક્રમ મુજબ ગઈકાલે બપોરના સમયે મેસ રૂમમાં ભોજન માટે ગયા હતો. જ્યાં અચાનક જ પ્લેન ક્રેશ થતા ભાવનગરના આ યુવાનનું મોત થયું હતું.

તબીબી વિદ્યાર્થી રાકેશ દિયોરાનો મૃતદેહ તેમના ગામમાં પહોંચતા પરિવારમાં કલ્પાંત જોવા મળ્યો છે.

મૃતક ના મૃતદેહને સોસિયા ખાતે લાવવામાં આવ્યો હતો. સોસિયા ગામમાં અને પરિવારમાં ભારે શોક જોવા મળ્યો. કેન્દ્રીય મંત્રી,તળાજા ધારાસભ્ય,જિલ્લા ભાજપ પ્રમુખ સહિતના ઉપસ્થિત રહ્યા હતા.