ભાવનગરમાં એક દિવસના વિરામ બાદ ફરી વરસાદ તૂટી પડ્યો: અંધારપટ વાતાવરણ અને પવન સાથે હળવા વરસાદથી જનજીવન પ્રભાવિત, વિઝિબિલિટી ઘટી

Gujarat weather update: જિલ્લાના ખેડૂતોને મોટું નુકસાન, મહુવા, તળાજા સહિતના દરિયાઈ કોસ્ટલ અને ગ્રામ્ય વિસ્તારોમાં બાગાયતી અને ઉનાળુ પાકને વ્યાપક નુકસાન

Bhavnagar unseasonal rain: ગુજરાતમાં ઉનાળાની ઋતુ વચ્ચે કમોસમી વરસાદનું વિઘ્ન યથાવત રહ્યું છે. એક દિવસના વિરામ બાદ આજે ફરી એકવાર ભાવનગર શહેર અને જિલ્લાના વાતાવરણમાં પલટો આવ્યો છે અને કમોસમી વરસાદ શરૂ થયો છે, જેના કારણે જનજીવન પ્રભાવિત થયું છે અને ખેડૂતોની મુશ્કેલીમાં વધારો થયો છે.

આજે એક દિવસના વિરામ બાદ ભાવનગર શહેરનું વાતાવરણ ફરીથી બદલાયું છે. સવારથી જ અંધારપટ વાતાવરણ છવાયું હતું અને બપોર બાદ શહેરમાં પવન સાથે હળવો કમોસમી વરસાદ શરૂ થયો છે. વરસાદ શરૂ થવાને કારણે શહેરની વિઝિબિલિટી (દ્રશ્યતા) પણ ડાઉન થઈ છે.

આ કમોસમી વરસાદના કારણે ભાવનગર જિલ્લાના ખેડૂતોને ભારે નુકસાન પહોંચ્યું છે. ખાસ કરીને દરિયાઈ કોસ્ટલ વિસ્તારના તાલુકાઓ જેમકે મહુવા અને તળાજા તેમજ ભાવનગરના ગ્રામ્ય વિસ્તારોમાં બાગાયતી પાક અને ઉનાળુ પાકને વધારે નુકસાન પહોંચ્યું હોવાના અહેવાલો છે.

તૈયાર પાક અથવા વિકાસના તબક્કામાં રહેલા પાકને અચાનક આવેલા વરસાદ અને પવનથી મોટો ફટકો પડ્યો છે.

કમોસમી વરસાદના કારણે ખેડૂતોની આર્થિક સ્થિતિ પર ગંભીર અસર પડી છે. હવામાન વિભાગ દ્વારા હજુ પણ આવા વાતાવરણ રહેવાની શક્યતા વ્યક્ત કરાઈ છે, જે ખેડૂતો માટે ચિંતાનો વિષય છે.

શહેર અને જિલ્લામાં અચાનક આવેલા વરસાદથી વાતાવરણમાં ઠંડક પ્રસરી છે, પરંતુ તેની સાથે આવેલો પવન અને નુકસાની ચિંતાજનક છે.