EPFO: ઈપીએફઓ બેલેન્સ ચેક કરવું ખૂબ છે આસાન, અપનાવો આ 4 રીત

જો એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) ના સબ્સ્ક્રાઇબર્સ તેમના ખાતાની બેલેન્સ તપાસવા માંગતા હોય, તો તે ખૂબ જ સરળ છે. તમે તમારા EPFO ખાતામાં જમા થયેલી રકમ તમારા મોબાઈલ દ્વારા જ ટ્રેક કરી શકો છો.

કેટલીક સરળ પદ્ધતિઓથી તમને તરત જ ખબર પડી જશે કે તમારા EPF ખાતામાં વ્યાજના કેટલા પૈસા આવ્યા છે. ચાલો જાણીએ આ ચાર પદ્ધતિઓ વિશે.

EPFO સબ્સ્ક્રાઇબર્સ પાસબુક પોર્ટલ દ્વારા લોગ ઇન કરીને તેમના પીએફ બેલેન્સને ચકાસી શકે છે. આ માટે તમારે UAN અને પાસવર્ડ નાખવો પડશે. આ પછી તમને બેલેન્સની માહિતી તરત જ મળી જશે.

ઉમંગ એપ દ્વારા તમે સરળતાથી EPF બેલેન્સ ચેક કરી શકો છો. આમાં પણ UAN અને પાસવર્ડની જરૂર પડશે.

તમે SMS દ્વારા પણ તમારું EPF બેલેન્સ ચેક કરી શકો છો. તમારા યુનિવર્સલ એકાઉન્ટ નંબર (UAN) દ્વારા નોંધાયેલા મોબાઇલ નંબર પરથી 7738299899 પર SMS મોકલો. થોડીવારમાં તમને એસએમએસ દ્વારા પીએફ બેલેન્સ વિશે માહિતી મળશે.

તમે તમારા રજીસ્ટર્ડ મોબાઈલ નંબર દ્વારા 011-22901406 પર મિસ્ડ કોલ કરી શકો છો. થોડીવારમાં તમને તમારા રજિસ્ટર્ડ મોબાઈલ નંબર પર SMS દ્વારા માહિતી મળી જશે.