શું ઘરે કોમર્શિયલ ગેસ સિલિન્ડર વાપરી શકાય? આ નિયમો જાણી લો

Commercial Cylinder Use Rules: ગેસ સિલિન્ડર વાપરતી વખતે આ માહિતી રાખવી જરૂરી છે. ઘરમાં માત્ર ઘરેલુ સિલિન્ડર જ વાપરી શકાય છે. કમર્શિયલ સિલિન્ડર વાપરવાથી કાર્યવાહી થઈ શકે છે.

2021માં જાહેર કરાયેલા આંકડા મુજબ ભારતમાં રોજ લગભગ 47.4 લાખ ઘરેલુ ગેસ સિલિન્ડરનો વપરાશ થાય છે. ત્યારથી અત્યાર સુધીમાં આમાં વધારો થયો છે.

હવે ભાગ્યેજ જ કોઈ એવું ઘર હોય જ્યાં ગેસ સિલિન્ડરના ઉપયોગથી ખાવાનું ન બનાવાતું હોય. ગામડાઓમાં પણ હવે ગેસ સિલિન્ડરનો ઘણો ઉપયોગ થાય છે.

કોઈપણ વ્યક્તિ પોતાના ઘરેલુ ગેસ કનેક્શન પર 1 વર્ષમાં 15 સિલિન્ડર સુધી ભરાવી શકે છે. પરંતુ આમાંથી 12 સિલિન્ડર સબસિડીવાળા હશે.

ઘરેલુ ગેસ કનેક્શનનો ઉપયોગ ઘરના ઉપયોગ માટે થાય છે. જ્યારે કમર્શિયલ સિલિન્ડરનો ઉપયોગ વ્યાવસાયિક રીતે થતા આયોજનો અને જગ્યાઓ પર થાય છે.

કમર્શિયલ ગેસ સિલિન્ડર ઘરેલુ ગેસ સિલિન્ડરથી અલગ હોય છે. તેમની કિંમત પણ વધારે હોય છે. કમર્શિયલ સિલિન્ડર લેવા માટે તમારે કમર્શિયલ ગેસ કનેક્શન લેવું પડે છે.

ઘણી વખત જોવામાં આવ્યું છે કે લોકો કમર્શિયલ સિલિન્ડરનો ઉપયોગ ઘરમાં કરે છે. જે ગેરકાયદેસર છે. તમારા ઘરમાં ઉપયોગ કરવા માટે ઘરેલુ ગેસ કનેક્શન જ લેવું પડશે.

જો તમે ઘરના સિલિન્ડર એટલે કે ઘરેલુ ગેસ સિલિન્ડર વ્યાવસાયિક રીતે વાપરો છો, તો પણ તમારી વિરુદ્ધ કાર્યવાહી થઈ શકે છે. એટલે કે તમે હોટેલ કે ઢાબામાં તમારા ઘરનું સિલિન્ડર વાપરી શકતા નથી.