EPFO e-Nomination: PF ખાતાધારકો ઈ-નોમિનેશન માટે ફોલો કરો આ સ્ટેપ્સ, ઝડપથી થશે કામ

e-Nomination Process in EPFO: સબ્સ્ક્રાઇબર્સ તેમની નિવૃત્તિ પછી પણ PF ખાતામાં જમા થયેલી સંપૂર્ણ રકમ ઉપાડી શકે છે. EPFO તેના ખાતાધારકોને મોટું ભંડોળ તેમજ EPF, EPS અને EDLI યોજનાઓની સુવિધા પૂરી પાડે છે, પરંતુ આ બધી યોજનાઓનો લાભ લેવા માટે PFમાં નોમિનેશન પૂર્ણ કરવું ખૂબ જ મહત્વપૂર્ણ છે.

ઘણી વખત લોકો PF નોમિનેશન પૂર્ણ કરતા નથી અને અકસ્માત પછી, તેમના પરિવારને EDLI અથવા EPS સ્કીમનો દાવો કરવામાં મુશ્કેલીનો સામનો કરવો પડે છે. આની સાથે ખાતામાં જમા થયેલા પૈસા ઉપાડવામાં પણ સમસ્યા છે.

આવી મુશ્કેલીથી બચવા માટે, તમે EPFOની સત્તાવાર વેબસાઇટ પર જઈને સરળતાથી ઈ-નોમિનેશનની પ્રક્રિયા પૂર્ણ કરી શકો છો. આવો, અમે તમને તેની સરળ રીત વિશે માહિતી આપી રહ્યા છીએ.

EPFOના નોટિફિકેશન મુજબ ઈ-નોમિનેશનની પ્રક્રિયા પૂર્ણ કરવા માટે તમારે UAN નંબર અને આધાર વેરિફિકેશન કરવું પડશે. આધાર વેરિફિકેશન વિના તમે ઈ-નોમિનેશનની પ્રક્રિયા પૂર્ણ કરી શકતા નથી. આધાર વેરિફિકેશન માટે, EPFO વેબસાઈટ પર જઈને તમારો UAN નંબર દાખલ કરો. કેવાયસી અપડેટ પર તમારી આધાર માહિતી તેના મેનેજ વિકલ્પ પર ક્લિક કરીને અપડેટ કરો. તમારું આધાર વેરિફિકેશન પૂર્ણ થઈ જશે.

બીજી તરફ, ઈ-નોમિનેશનની પ્રક્રિયા પૂર્ણ કરવા માટે, તમારે પહેલા EPFOની વેબસાઈટ પર જવું પડશે અને સેવાઓ, કર્મચારી માટે અને UAN નંબર પર ક્લિક કરવું પડશે અને ત્યાં UAN અને પાસવર્ડ દાખલ કરવો પડશે.

આ પછી, ઇ-નોમિનેશન વિકલ્પ પર ક્લિક કરો, મેનેજ ટેબ પર ક્લિક કરો. અહીં તમે તમારા પરિવારના સભ્યની વિગતો ભરો. ત્યાર બાદ Yes ઓપ્શન પર ક્લિક કરો. આ પછી તમારો નોમિની ઉમેરવામાં આવશે.