સોનાએ તોડ્યો 46 વર્ષનો રેકોર્ડ! 80% રિટર્ન બાદ હવે શું? રોકાણ કરતા પહેલા આ રિપોર્ટ વાંચો

વર્ષ 2025 સોનાના રોકાણકારો માટે સુવર્ણ વર્ષ સાબિત થયું છે. છેલ્લા 46 વર્ષનો રેકોર્ડ તોડીને સોનાએ એક જ વર્ષમાં લગભગ 80% જેટલું જંગી વળતર આપ્યું છે.

હવે રોકાણકારોના મનમાં પ્રશ્ન છે કે શું 2026માં પણ આવી જ તેજી જોવા મળશે? જાણીતા કોમોડિટી માર્કેટ (Commodity Market) એક્સપર્ટ અજય કેડિયાએ સોનાના ભવિષ્ય, સંભવિત ભાવ વધારા અને જોખમો અંગે મહત્વપૂર્ણ અનુમાન લગાવ્યા છે.

કેડિયા એડવાઇઝરીના સ્થાપક અજય કેડિયાના જણાવ્યા મુજબ, 1979 પછી સોનામાં આટલો મોટો ઉછાળો પહેલીવાર જોવા મળ્યો છે. 2020 થી શરૂ થયેલી કેટલીક વૈશ્વિક સમસ્યાઓને કારણે સોનાના ભાવ (Gold Price) આસમાને પહોંચ્યા છે. આ તેજી પાછળ માત્ર એક નહીં પણ અનેક કારણો જવાબદાર છે.

જેમાં કોવિડ-19 મહામારીની અસરો, રશિયા-યુક્રેન યુદ્ધ, ભૂ-રાજકીય તણાવ (Geopolitical Tension), વિશ્વભરની સેન્ટ્રલ બેંકો દ્વારા સોનાની જંગી ખરીદી અને અમેરિકન ફેડરલ રિઝર્વ દ્વારા વ્યાજદરમાં ઘટાડાનો સમાવેશ થાય છે. આ ઉપરાંત, શેરબજારની અસ્થિરતા અને મંદીના ડરે પણ લોકોને સોના તરફ વાળ્યા છે.

જ્યારે અજય કેડિયાને પૂછવામાં આવ્યું કે શું 2026માં પણ 2025 જેવો જ ઉછાળો આવશે? ત્યારે તેમણે સ્પષ્ટ કર્યું કે તે અસંભવિત છે. તેમના મતે, જે પરિબળોને કારણે ભાવ વધ્યા હતા તે હવે પરિપક્વ થઈ રહ્યા છે. એટલે કે, 2026માં બજાર થોડું સ્થિર થઈ શકે છે. જોકે, રોકાણકારોને નિરાશ થવાની જરૂર નથી, કારણ કે રોકાણ પર વળતર (Return on Investment) તો મળશે જ, પણ તેની ગતિ થોડી ધીમી રહેશે.

આગાહી મુજબ, 2026માં સોનામાં સરેરાશ 12 થી 15 ટકાનું વળતર મળવાની ધારણા છે. આંતરરાષ્ટ્રીય બજારમાં સોનાનો ભાવ પ્રતિ ઔંસ 4,850 ડોલર સુધી જઈ શકે છે. ભારતીય ચલણમાં ગણતરી કરીએ તો, 2026માં સોનાના ભાવ પ્રતિ 10 ગ્રામ 1,65,000 રૂપિયા (Rs 1,65,000) ની ઉચ્ચ સપાટીએ પહોંચી શકે છે. જોકે, નીચામાં આ ભાવ 3,800 ડોલર પ્રતિ ઔંસ એટલે કે ભારતીય બજારમાં લગભગ 1,18,000 રૂપિયા (Rs 1,18,000) સુધી જઈ શકે છે.

નિષ્ણાતોના મતે, 2026માં સોનામાં નફાવસૂલી (Profit Booking) જોવા મળી શકે છે, જેના કારણે ભાવમાં મોટો ઘટાડો આવવાની શક્યતા નકારી શકાય નહીં. અગાઉ ઓક્ટોબર મહિનામાં પણ 13% નો ઘટાડો નોંધાયો હતો. ભાવ ઘટવા પાછળના મુખ્ય કારણોમાં રશિયા-યુક્રેન યુદ્ધનો સંભવિત અંત, ડોલરના ભાવમાં સ્થિરતા અને ગોલ્ડ ETF (એક્સચેન્જ ટ્રેaded ફંડ) ના રોકાણકારો દ્વારા નાણાંનું અન્ય એસેટ ક્લાસમાં સ્થળાંતર હોઈ શકે છે.

Continues below advertisement