EPFO: ખોટા એકાઉન્ટ સાથે UAN નંબર જોડાઈ ગયો હોય તો ઘરે બેઠા જ સુધારો, જાણો પ્રોસેસ

કર્મચારી ભવિષ્ય નિધિ સંગઠન (Employees Provident Fund Organisation) તેના તમામ ખાતાધારકોને યુનિવર્સલ એકાઉન્ટ નંબર(Universal Account Number) આપે છે. આ નંબર દ્વારા, તમે તમારા પીએફ એકાઉન્ટ વિશે તમામ માહિતી મેળવી શકો છો.

ઘણી વખત ખોટા બેંક એકાઉન્ટ UAN નંબર સાથે જોડાય છે. આ કિસ્સામાં, તમે આ લિંક કરેલ એકાઉન્ટ નંબર સરળતાથી બદલી શકો છો.

આ માટે યુનિફાઇડ મેમ્બર પોર્ટલ https://unifiedportal-mem.epfindia.gov.in/memberinterface/ ની મુલાકાત લો. આ પછી UAN નંબર અને પાસવર્ડ નાખો.

આગળ તમે મેનેજ ટેબ પર ક્લિક કરો. પછી તમે ડ્રોપ ડાઉન મેનુ જોશો. આ મેનુમાં જઈને તમે KYC નો વિકલ્પ પસંદ કરો છો. આગળ, તમને તે બેંક પસંદ કરવાનો વિકલ્પ મળશે જેની સાથે તમે તમારો UAN નંબર લિંક કરવા માંગો છો. આ પછી તમારો બેંક એકાઉન્ટ નંબર, IFSC કોડ વગેરે વિગતો ભરો. ત્યાર બાદ તેને સેવ કરો.

આ પછી આ માહિતી કંપની (એમ્પ્લોયર) દ્વારા મંજૂર કરવામાં આવશે. છેલ્લે, તમે KYC વિભાગમાં નવી બેંક વિગતો જોશો.

જો તમારી કંપનીએ તેને મંજૂરી આપી નથી, તો તમે સરળતાથી EPF ફરિયાદમાં જઈને તેની ફરિયાદ કરી શકો છો. UAN નંબર માત્ર એક જ વાર આપવામાં આવે છે.

એમ્પ્લોઈઝ પ્રોવિડન્ટ ફંડ ઓર્ગેનાઈઝેશન તેના સબસ્ક્રાઈબર્સને માત્ર એક જ વાર તેનો UAN નંબર ઈશ્યુ કરે છે. આ 12 અંકનો યૂનિક નંબર છે જે નોકરી બદલ્યા પછી પણ બદલી શકાતો નથી.