IRCTC TNPL Service: IRCTC રેલવે મુસાફરોને આપી રહી છે આ ખાસ ભેટ! પૈસા વગર પણ થઈ શકે છે રિઝર્વેશન, જાણો વિગત

IRCTC Travel Now Pay Later: બદલાતા સમય સાથે, રેલવે તેના મુસાફરો માટે અનેક પ્રકારની સુવિધાઓ લાવતું રહે છે. તેમાંથી એક સુવિધા છે ટ્રાવેલ નાઉ પે લેટર. આ વિકલ્પ દ્વારા મુસાફરો ખાતામાં પૈસા વગર પણ રેલવે ટિકિટ બુક કરાવી શકે છે. IRCTC એ રેલ કનેક્ટ એપ દ્વારા આ સુવિધા શરૂ કરી છે.

આ માટે IRCTCએ ક્રેડિટ કંપની CASHe સાથે ભાગીદારી કરી છે. IRCTC દ્વારા આ સુવિધા અંગેની સૂચના 19 ઓક્ટોબર 2022ના રોજ આપવામાં આવી હતી. હવે રેલવે મુસાફરો ખૂબ જ ઓછી EMI રેલવે ટિકિટ બુક કરી શકશે.

આ સુવિધાનો સીધો લાભ કરોડો રેલ મુસાફરોને મળશે જેઓ Rail Connect App અને IRCTC ટ્રાવેલ એપ દ્વારા બુકિંગ કરાવી શકે છે. બુકિંગ કર્યા પછી, તમે ચુકવણી કરતી વખતે CASHe નો EMI વિકલ્પ પસંદ કરી શકો છો.

તમે સામાન્ય ટિકિટ બુકિંગ અને તત્કાલ બુકિંગ બંને માટે TNPL વિકલ્પનો ઉપયોગ કરી શકો છો. જો તમે છઠ પૂજાના પ્રસંગે તમારા ઘરે જવા માંગતા હોવ, પરંતુ તમારા ખાતામાં પૈસા નથી, તો તમે TNPL નો ઉપયોગ કરીને તત્કાલ ટિકિટ બુક કરી શકો છો.

તે પછી તમે આ બિલને નાની EMIમાં કન્વર્ટ કરો. આ પછી તમે દર મહિને નાની EMI ચૂકવીને તમારું બિલ સરળતાથી ચૂકવી શકો છો.

આ સુવિધાની ખાસ વાત એ છે કે આ માટે તમારે કોઈપણ પ્રકારના દસ્તાવેજોની જરૂર નથી. ટિકિટ બુક કરાવ્યા પછી તમને 3 થી 6 મહિનાનો સમય મળે છે જેમાં તમે સરળતાથી ટિકિટના રૂપિયાની ચુકવણી કરી શકો છો.