Jandhan Account: તમારું જનધન ખાતું આ 6 બેંકોમાં છે, તો આ રીતે ચેક કરો તમારું બેલેન્સ, જાણો સંપૂર્ણ પ્રોસેસ

જો તમે સ્ટેટ બેંકમાં તમારું જન ધન ખાતું ખોલાવ્યું છે તો તમારે બેલેન્સ ચેક કરવા માટે કસ્ટમર કેર નંબર 18004253800 અને 1800112211 પર મિસ્ડ કોલ કરવો પડશે. તે પછી તમારી ભાષા પસંદ કરો. જો તમે તમારું બેલેન્સ અને છેલ્લા 5 વ્યવહારો જાણવા માંગતા હોવ તો તમારે 1 દબાવવો પડશે. આ સિવાય સ્ટેટ બેંકના ગ્રાહકો રજિસ્ટર્ડ મોબાઈલ નંબર પરથી 92237 66666 પર કોલ કરીને બેલેન્સ ચેક કરી શકે છે.

જો તમારું જન ધન ખાતું પંજાબ નેશનલ એકાઉન્ટમાં છે તો તમારે તમારા રજીસ્ટર્ડ મોબાઈલ નંબર પરથી 18001802223 અથવા 01202303090 પર મિસ્ડ કોલ આપવો પડશે. જો તમે ઈચ્છો તો આ નંબર પર SMS દ્વારા પણ બેલેન્સ જાણી શકો છો.

જો તમારું જન ધન ખાતું ICICI બેંકમાં છે, તો તમારે તમારું બેંક બેલેન્સ જાણવા માટે 9594612612 પર મિસ્ડ કૉલ કરવો પડશે. આ સિવાય ICICI બેંકના ગ્રાહકો IBAL લખીને 9215676766 પર મેસેજ મોકલીને પણ તેમનું બેલેન્સ ચેક કરી શકે છે.

જો તમે HDFC બેંકમાં જન ધન ખાતું ખોલાવ્યું છે, તો તમારે બેલેન્સ જાણવા માટે ટોલ ફ્રી નંબર 18002703333 પર કૉલ કરવો પડશે. આ ઉપરાંત, તમારે મિની સ્ટેટમેન્ટ માટે 18002703355, ચેકબુક મેળવવા માટે 18002703366 પર કૉલ કરવો પડશે.

જો જન ધન ખાતું બેંક ઓફ ઈન્ડિયામાં છે તો તમે બેલેન્સ જાણવા માટે 09015135135 પર કૉલ કરી શકો છો.

એક્સિસ બેંકના ગ્રાહકો તેમના રજિસ્ટર્ડ મોબાઈલ નંબર પરથી 18004195959 પર કૉલ કરીને એકાઉન્ટ બેલેન્સ ચેક કરી શકે છે. બીજી તરફ, તમે મિની સ્ટેટમેન્ટ માટે 18004196969 નંબર પર કૉલ કરી શકો છો.