Jeet Adani Engagement: ગૌતમ અદાણીના પુત્ર જીતે કરી સગાઈ, જાણો કોણ છે તેની મંગેતર; જુઓ તસવીરો

દિવા જૈમિન શાહની જીત અદાણી સાથે સગાઈ થઈ ગઈ છે, જેની પ્રથમ તસવીર સામે આવી છે. સગાઈ સમારોહ માટે જીત અને દિવાએ પેસ્ટલ શેડ્સના પરંપરાગત પોશાક પહેર્યા હતા.

તેઓની સગાઈ અમદાવાદ, ગુજરાતમાં થઈ હતી. આમાં ફક્ત નજીકના મિત્રો અને પરિવારના સભ્યોને જ આમંત્રણ આપવામાં આવ્યું હતું. આ સમારોહમાં બીજું કોઈ સામેલ નહોતું.

દિવા સી. દિનેશ એન્ડ કંપની પ્રા.ના હીરાના વેપારી જૈમિન શાહની પુત્રી છે.

જીત અદાણીએ યુનિવર્સિટી ઓફ પેન્સિલવેનિયા સ્કૂલ ઓફ એન્જિનિયરિંગ એન્ડ એપ્લાઇડ સાયન્સમાંથી પોતાનો અભ્યાસ પૂર્ણ કર્યો છે. તેઓ 2019માં અદાણી ગ્રૂપમાં જોડાયા હતા અને હાલમાં તેઓ ગ્રૂપ ફાઇનાન્સના વાઇસ પ્રેસિડેન્ટ છે.

જીત અદાણીએ સ્ટ્રેટેજિક ફાઇનાન્સ, કેપિટલ માર્કેટ્સ અને રિસ્ક એન્ડ ગવર્નન્સ પોલિસીનું ધ્યાન રાખીને ગ્રુપ CFOની ઓફિસમાં તેમની કારકિર્દીની શરૂઆત કરી હતી.

અદાણી ગ્રૂપની વેબસાઈટ અનુસાર, અદાણી એરપોર્ટ બિઝનેસ તેમજ અદાણી ડિજિટલ લેબ્સનું સંચાલન કરે છે. (તમામ તસવીરો - ટ્વિટર સૌજન્ય)