Aadhaar Card: એક મોબાઈલ નંબર સાથે કેટલા આધાર કાર્ડ થઈ શકે લિંક, જાણો UIDAIનો નિયમ

Aadhaar Card: એક મોબાઈલ નંબર સાથે કેટલા આધાર કાર્ડ થઈ શકે લિંક, જાણો UIDAIનો નિયમ

પ્રતિકાત્મક તસવીર

Aadhaar Card Rules: આધાર કાર્ડ જારી કરતી સંસ્થા UIDAI અનુસાર, અમે તમને એક મોબાઈલ નંબર સાથે કેટલા આધાર કાર્ડ લિંક કરી શકાય છે તેની માહિતી આપી રહ્યા છીએ.

આજકાલ, આધાર કાર્ડ એક ખૂબ જ મહત્વપૂર્ણ દસ્તાવેજ છે, જે સરકારી તેમજ બિન-સરકારી હેતુઓ માટે જરૂરી છે. કોઈપણ યોજનાનો લાભ મેળવવાથી લઈને બેંક ખાતું ખોલાવવા સુધીના કાર્યો માટે આધાર કાર્ડ મહત્વપૂર્ણ છે.

આવી સ્થિતિમાં આ 12 અંકનો યૂનિક નંબર હોવો ખૂબ જ મહત્વપૂર્ણ છે. દરેક નાગરિકનું નામ, સરનામું અને બાયોમેટ્રિક માહિતી આધાર નંબરમાં નોંધવામાં આવે છે.

આધારમાં દાખલ કરેલી માહિતીને કારણે, સલાહ આપવામાં આવે છે કે આ યૂનિક નંબરને કોઈની સાથે શેર ન કરો જેથી તમે છેતરપિંડીથી સુરક્ષિત રહો.

આ સાથે UIDAI નાગરિકોને તેમના મોબાઈલ નંબર સાથે આધાર લિંક કરવાની સલાહ પણ આપે છે. આ સાથે, તમે આધાર સંબંધિત કોઈપણ ફેરફારો કરવા માટે OTP મેળવી શકો છો.

પરંતુ, શું તમે જાણો છો કે એક આધાર સાથે કેટલા મોબાઈલ નંબર લિંક કરી શકાય છે? UIDAIની ઓફિશિયલ વેબસાઈટ પર આપવામાં આવેલી માહિતી અનુસાર, તમે ઈચ્છો તેટલા આધાર નંબર એક મોબાઈલ સાથે લિંક કરી શકો છો.

આ માટે કોઈ મર્યાદા નક્કી કરવામાં આવી નથી. પરંતુ, UIDAI ભલામણ કરે છે કે આધાર વપરાશકર્તાઓ હંમેશા તેમના મોબાઇલ નંબર સાથે આધાર લિંક કરે.