Home Loan Tips: હોમ લોન લેતા પહેલા આ 5 બાબતો હંમેશા ધ્યાનમાં રાખો, જાણો તેના વિશે

Home Loan Tips: હોમ લોન લેતા પહેલા આ 5 બાબતો હંમેશા ધ્યાનમાં રાખો, જાણો તેના વિશે

પ્રતિકાત્મક તસવીર

ઘરનું ઘર એ દરેક વ્યક્તિનું એક સપનું હોય છે. ઘર માટે લોકો પોતાની બચત સાથે હોમ લોન પણ લે છે. જો તમે પણ હોમ લોન લેવાનું પ્લાનિંગ કરી રહ્યા છો તો તે પહેલા કેટલીક બાબતોનું ધ્યાન રાખવું જોઈએ. હોમ લોન લેતા પહેલા કેટલીક બાબતો ધ્યાન રાખવી ખૂબ જ જરુરી બની જાય છે.

હોમ લોન લેતા પહેલા સૌથી મહત્વનું છે કે તમારી આવક કેટલી છે. તમારે હંમેશા તમને મળતા પગાર અનુસાર જ હોમ લોન લેવી જોઈએ. તમારી હોમ લોનનો હપ્તો એટલે કે EMI ક્યારેય તમારી કુલ આવકના 50 ટકાથી વધારે હોવો જોઈએ નહીં. આ સૌથી મહત્વની બાબત માનવામાં આવે છે.

બેંક હોમ લોન બે પ્રકારના વ્યાજ દર પર આપે છે. એક છે ફ્લોટિંગ રેટ અને બીજું છે ફિક્સ્ડ રેટ. ફ્લોટિંગ રેટમાં હોમ લોનનો વ્યાજ દર RBI દ્વારા નક્કી કરવામાં આવતા રેપો રેટના આધારે નક્કી કરવામાં આવે છે. જો તેમાં ઘટાડો થાય છે તો હોમ લોનના વ્યાજ દર ઘટે છે. જો રેપો રેટ વધે તો લોન પર વ્યાજ વધે છે. ફિક્સ્ડ રેટમાં હોમ લોનનું વ્યાજ સમગ્ર કાર્યકાળ દરમિયાન એક સરખુ જ રહે છે.

હાલ હોમ લોન લેવા માટે ઘણા વિકલ્પો છે. તમારે ચેક કરવું જોઈએ કે કઈ બેંક તમને સસ્તા વ્યાજ દરે હોમ લોન આપી રહી છે. આ ઉપરાંત લોન રીપેમેન્ટ કરવાના નિયમો અને શરતો વિશે જાણવું જોઈએ. આ કારણે લોન પરત કરતી વખતે તમને કોઈ મુશ્કેલીનો સામનો ન કરવો પડે.

હાલમાં હોમ લોન ઓવરડ્રાફ્ટ સુવિધા સાથે લેવી જોઈએ. તેનાથી એ ફાયદો થશે કે જ્યારે પણ તમારી પાસે વધારાના રૂપિયા હશે, ત્યારે તમે વધારાની રકમની ચૂકવણી કરી સરળતાથી તમારી લોનનો હપ્તો ઘટાડી શકો છો.

તમારો ક્રેડિટ સ્કોર તપાસો, તે જેટલો સારો હશે લોન મેળવવી તેટલી સરળ બનશે. તમારી આવક અને જવાબદારીઓના આધારે લોનની રકમનો અંદાજ કાઢો.