દીકરીનું ભવિષ્ય સુરક્ષિત કરશે LICની આ યોજના , જાણો તેના ફાયદાઓ
દીકરીના ભવિષ્ય માટે રોકાણ કરવા માટે જો તમે સારી યોજના શોધી રહ્યા છો, તો LIC કન્યાદાન પોલિસી તમારા માટે ઉપયોગી સાબિત થઈ શકે છે. આ પ્લાન દ્વારા તમે તમારી દીકરી માટે સારી એવી રકમ જમા કરાવી શકો છો.
Download ABP Live App and Watch All Latest Videos
View In Appતમે ટેક્સ બેનિફિટ્સ, લોન ફેસિલિટી અને અન્ય ઘણા ફાયદા પણ મેળવી શકો છો. જો તમારી દીકરીની ઉંમર 1 વર્ષથી 10 વર્ષની વચ્ચે છે, તો તમે આ પોલિસીમાં રોકાણ કરી શકો છો. LIC ની કન્યાદાન પોલિસી વિશે જાણો.
આ સ્કીમની પોલિસી ટર્મ 13-25 વર્ષ છે. આ માટે તમે પ્રીમિયમ માસિક, ત્રિમાસિક, અર્ધવાર્ષિક અને વાર્ષિક ચૂકવી શકો છો. જો તમે 25 વર્ષનો ટર્મ પ્લાન પસંદ કરો છો, તો તમારે 22 વર્ષ માટે પ્રીમિયમ ચૂકવવું પડશે. આ યોજના 25 વર્ષ પછી પરિપક્વ થશે. પાકતી મુદતના સમયે સમ એશ્યોર્ડ + બોનસ + ફાઈનલ બોનસ સાથે સમગ્ર રકમ ચૂકવવામાં આવે છે. આ પોલિસી લેવા માટે છોકરીના પિતાની ઉંમર ઓછામાં ઓછી 18 વર્ષ અને વધુમાં વધુ 50 વર્ષની હોવી જોઈએ.
પોલિસી ખરીદ્યા પછી ત્રીજા વર્ષથી લોનની સુવિધા પણ ઉપલબ્ધ છે. જો તમે બે વર્ષ પૂરા થયા પછી પોલિસી સરન્ડર કરવા માંગતા હોય તો તે સુવિધા પણ ઉપલબ્ધ છે. આ સિવાય પ્રીમિયમ ભરવા માટે પણ ગ્રેસ પીરિયડ છે. ધારો કે જો તમે એક મહિનામાં પોલિસી પ્રીમિયમ ચૂકવવાનું ભૂલી જાઓ છો, તો તમે 30 દિવસના ગ્રેસ પીરિયડની અંદર પ્રીમિયમ ચૂકવી શકો છો. આ સમયગાળા દરમિયાન તમારી પાસેથી કોઈ લેટ ફી લેવામાં આવશે નહીં.
આ પોલિસી લેવાથી તમને બે રીતે ટેક્સ બેનિફિટ મળે છે. પ્રીમિયમ જમા કરાવવા પર વ્યક્તિને કલમ 80C હેઠળ કપાતનો લાભ મળે છે અને પરિપક્વતાની રકમ કલમ 10D હેઠળ કરમુક્ત છે. પૉલિસી માટેની વીમા રકમની મર્યાદા લઘુત્તમ રૂ. 1 લાખથી શરૂ થાય છે અને તેની કોઈ મહત્તમ મર્યાદા નથી.
ધારો કે તમે 25 વર્ષની મુદત સાથેનો પ્લાન લો છો અને 41,367 રૂપિયાનું વાર્ષિક પ્રીમિયમ ચૂકવો છો. આ કિસ્સામાં, તમારું માસિક પ્રીમિયમ આશરે રૂ. 3,447 હશે. તમે આ પ્રીમિયમ 22 વર્ષ માટે જમા કરશો. આવી સ્થિતિમાં, તે 25 વર્ષની મુદત દરમિયાન 22.5 લાખ રૂપિયાનું જીવન વીમા કવરેજ પ્રદાન કરશે.
જો પોલિસીની મુદત દરમિયાન પિતાનું મૃત્યુ થાય છે, તો બાળકે પછીની મુદત માટે પ્રીમિયમ ચૂકવવું પડશે નહીં. આવા કિસ્સાઓમાં પ્રીમિયમ માફ કરવામાં આવે છે. આ સિવાય 25 વર્ષની મુદત પૂરી થાય ત્યાં સુધી તેને વાર્ષિક 1 લાખ રૂપિયા મળશે અને 25માં વર્ષે લમ્પસમ મેચ્યોરિટી રકમ આપવામાં આવશે.
જો પિતાનું રોડ અકસ્માતને કારણે મૃત્યુ થાય છે, તો નોમિનીને તમામ મૃત્યુ લાભો સાથે 10 લાખ રૂપિયાનો અકસ્માત મૃત્યુ લાભ આપવામાં આવશે.