Post Office Scheme: પોસ્ટ ઓફિસ સ્કીમ્સમાં પણ ઓનલાઈન જમા કરાવી શકાય છે પૈસા, જાણો પ્રોસેસ

આ માટે ઇન્ડિયા પોસ્ટ પેમેન્ટ બેંકમાં ખાતું ખોલવું પડશે. જો તમે PPF અથવા સુકન્યા સમૃદ્ધિ એકાઉન્ટ જેવી પોસ્ટ ઓફિસ નાની બચત યોજનામાં ખાતું ખોલાવ્યું છે, તો તેમાં ઑનલાઇન પૈસા જમા કરવા માટે, તમારે આઈપીપીબીમાં બચત ખાતું ખોલવું પડશે. આના દ્વારા તમે તમારી નાની બચત યોજનાઓમાં ઓનલાઈન પૈસા જમા કરાવી શકો છો.

આ રીતે તમે ઓનલાઈન પૈસા જમા કરાવી શકો છોઃ સૌથી પહેલા તમારે તમારા બેંક ખાતામાંથી કેટલાક પૈસા IPPB એકાઉન્ટમાં જમા કરાવવાના રહેશે. આ પછી, તમારે IPPBની ઓનલાઈન બેંકિંગ હેઠળ DOP પ્રોડક્ટ પર ક્લિક કરવું પડશે અને તે પછી તમારે સંબંધિત ડિપોઝિટ સ્કીમ પસંદ કરવી પડશે.

આ પછી, તમારે ID માહિતી સાથે RD અથવા PPF અથવા સુકન્યા સમૃદ્ધિ એકાઉન્ટ જેવી કોઈપણ યોજનાના એકાઉન્ટ નંબરની વિગતો આપવી પડશે. આ પછી, બચત યોજનામાં પૈસા જમા કરાવવાનો સમયગાળો અને રકમ પસંદ કરવાની રહેશે.

નોંધ: થાપણ યોજનાઓ અનુસાર, થાપણનો સમયગાળો દર મહિને, ત્રણ મહિના, છ મહિના અથવા તો વાર્ષિક ધોરણે પણ હોઈ શકે છે. તમારે ત્યાંની બધી સૂચનાઓ ખૂબ કાળજીપૂર્વક વાંચવી પડશે.

આ પછી ઓનલાઈન પેમેન્ટની અંતિમ પ્રક્રિયા પૂર્ણ કરવાની રહેશે. એકવાર ચુકવણી સફળ થઈ જાય, IPPB તેની માહિતી તમારા ફોન પર SMS દ્વારા પ્રદાન કરશે.

એપ અને નેટબેંકિંગની સુવિધા પણ ઉપલબ્ધ છે. IPPBની ઓનલાઈન બેંકિંગ દ્વારા અથવા IPPBની એપ દ્વારા, તમે ઘરે બેઠા પોસ્ટ ઓફિસ સ્મોલ સેવિંગ્સ સ્કીમ્સમાં પૈસા જમા કરાવી શકો છો.

આ માટે તમારી પાસે પોસ્ટ ઓફિસની સંબંધિત સેવિંગ સ્કીમનો એકાઉન્ટ નંબર અને પોસ્ટ ઓફિસનો ડિપોઝિટ આઇડેન્ટિફિકેશન નંબર (DOP ID) હોવો જોઈએ. જેમ બેંકમાં ગ્રાહક ID હોય છે, તેવી જ રીતે પોસ્ટ ઓફિસમાં બચત યોજનાઓ માટે DOP ID હોય છે.

તમામ તસવીરનો ઉપયોગ પ્રસ્તુતિકરણ માટે કરવામાં આવ્યો છે