Post Office Rules: બદલાઈ ગયા પોસ્ટ ઓફિસના આ બે નિયમો, હવે રૂપિયા ઉપાડવા થશે મુશ્કેલ?

Post Office Rules: જો તમારી પાસે પોસ્ટ ઓફિસમાં ખાતું છે અથવા પોસ્ટ ઓફિસ યોજનામાં રોકાણ કરો છો તો તમે હવે પાન કાર્ડ વિના પૈસા જમા કરી શકશો નહીં કે ઉપાડી શકશો નહીં.

પોસ્ટ ઓફિસમાં એક મોટો ફેરફાર કર્યો છે

જો તમારી પાસે પોસ્ટ ઓફિસમાં ખાતું છે અથવા પોસ્ટ ઓફિસ યોજનામાં રોકાણ કરો છો તો તમે હવે પાન કાર્ડ વિના પૈસા જમા કરી શકશો નહીં કે ઉપાડી શકશો નહીં. આવકવેરા નિયમ, 2026 એ પોસ્ટ ઓફિસમાં એક મોટો ફેરફાર કર્યો છે. હવે કોઈપણ નાણાકીય વ્યવહાર માટે પાન કાર્ડ ફરજિયાત રહેશે. વધુમાં એક ફોર્મમાં પણ સુધારો કરવામાં આવ્યો છે.

પોસ્ટ ઓફિસની નવી માર્ગદર્શિકા અનુસાર, ખાતાધારકોએ હવે કોઈપણ ટ્રાન્જેક્શન માટે પાન કાર્ડ આપવું જરૂરી છે, પછી ભલે તેઓ પોસ્ટ ઓફિસ યોજના સાથે સંકળાયેલા હોય કે ભારતીય પોસ્ટ પેમેન્ટ્સ બેન્ક સાથે. રૂપિયા જમા કરવા કે ઉપાડવા માટે પાન કાર્ડ ફરજિયાત રહેશે.

બદલાયેલા નિયમો હેઠળ પોસ્ટ ઓફિસ ખાતું ખોલવા, ડિપોઝિટ કરવા, રૂપિયા ઉપાડવા અને ફિક્સ્ડ ડિપોઝિટમાં રોકાણ કરવા સહિત ઘણા વ્યવહારો માટે પાન નંબર આપવો ફરજિયાત કરવામાં આવ્યો છે. આ જરૂરિયાત આવકવેરા નિયમ, 2026ના નિયમો 159, 160, 161, 211 અને 237 હેઠળ આવે છે. આ પગલાનો હેતુ પોસ્ટ ઓફિસ બચત નેટવર્કમાં પારદર્શિતા સુધારવા, હાઈ વેલ્યૂ ધરાવતા ટ્રાન્જેક્શનનું નિરીક્ષણ કરવાનો અને કરચોરીની સંભાવના ઘટાડવાનો છે.

જે વ્યક્તિઓ પાસે PAN કાર્ડ નથી તેમના માટે નિયમોમાં એક અલગ ફેરફાર કરવામાં આવ્યો છે. થાપણદારોએ હવે ફોર્મ 60ને બદલે ફોર્મ 97 સબમિટ કરવાની જરૂર પડશે. આ ફોર્મમાં થાપણદારનું નામ અને સરનામું, વ્યવહારનો પ્રકાર અને વ્યવહારની ચકાસણી કરતા સહાયક દસ્તાવેજો હોવા જોઈએ. ટેક્સ સિસ્ટમમાં PAN નંબર વિનાના ટ્રાન્જેક્શન યોગ્ય રીતે રેકોર્ડ થાય છે તેની ખાતરી કરવા માટે પોસ્ટ ઓફિસો આ માહિતી એકત્રિત કરવા માટે જવાબદાર છે.

બીજા ફેરફારમાં ફોર્મ 15G અને 15H ને એક જ ફોર્મ 121માં જોડવાનો સમાવેશ થાય છે. અગાઉ, વ્યાજ પર TDS કપાત ટાળવા માટે 60 વર્ષથી ઓછી ઉંમરના લોકો માટે ફોર્મ 15G અને વરિષ્ઠ નાગરિકો માટે ફોર્મ 15H ફાઇલ કરવામાં આવતું હતું. હવે, ફક્ત ફોર્મ 121 ફાઇલ કરવામાં આવશે. આ દરેક નાણાકીય વર્ષ દરમિયાન સબમિટ કરવું આવશ્યક છે. આ ફક્ત ત્યારે જ લાગુ પડે છે જો કરદાતાની અંદાજિત કુલ કરપાત્ર આવક શૂન્ય હોય. આ ફેરફાર તાત્કાલિક અમલમાં છે.

Continues below advertisement