Personal Loan: તમારે પણ જોઇએ છે સસ્તી પર્સનલ લોન, આ બેન્કો આપી રહી છે શાનદાર ઓફર

Personal Loan Interest: જ્યારે તમને પૈસાની જરૂર હોય ત્યારે પર્સનલ લોન લેવી એ વધુ સારો વિકલ્પ હોઈ શકે છે, પરંતુ રેપો રેટમાં સતત વધારાને કારણે ઘણી બેન્કોએ તેમના વ્યાજદરમાં વધારો કર્યો છે.

આજે અમે તમને એવી બેન્કો વિશે માહિતી આપી રહ્યા છીએ જેમાં સૌથી ઓછા વ્યાજ દરે પર્સનલ લોન મળે છે.

બેન્ક ઓફ મહારાષ્ટ્ર ગ્રાહકોને 10 થી 12.80 ટકાના દરે પર્સનલ લોન ઓફર કરી રહી છે. આ લોન મેળવવા માટે ગ્રાહકોએ કુલ લોનની રકમના 1 ટકા અને પ્રોસેસિંગ ફી તરીકે GST ચૂકવવો પડશે.

બેન્ક ઓફ ઈન્ડિયા 10.25 ટકાથી 14.75 ટકા સુધીની પર્સનલ લોન વ્યાજ દર ઓફર કરી રહી છે. આ સાથે ગ્રાહકોએ પ્રોસેસિંગ ફી તરીકે 2 ટકા અથવા રૂ. 1000 થી રૂ. 10,000 બેમાંથી જે ઓછું હોય તે ચૂકવવું પડશે.

HDFC બેન્ક ગ્રાહકોને પર્સનલ લોન પર 10.50 ટકાથી લઈને 24 ટકા સુધીના વ્યાજ દર ઓફર કરી રહી છે. આમાં તમારે પ્રોસેસિંગ ફી તરીકે 4,999 રૂપિયાની ફી ચૂકવવી પડશે.

કેનેરા બેન્ક વ્યક્તિગત લોન પર 10.65 ટકાથી 16.25 ટકા વ્યાજ દર ઓફર કરી રહી છે. આમાં તમારે પ્રોસેસિંગ ફી તરીકે એક રૂપિયો પણ ચૂકવવો પડશે નહીં.સ્ટેટ બેન્ક ઓફ ઈન્ડિયા વ્યક્તિગત લોન પર 11 ટકાથી 14 ટકા વચ્ચે વ્યાજ દર ઓફર કરે છે. આમાં, તમારે લોનની રકમના 1.50 ટકા અથવા 1,000 થી 15,000 રૂપિયા, બેમાંથી જે ઓછું હોય તે પ્રોસેસિંગ ફી ચૂકવવી પડશે.