11મા હપ્તા પહેલા PM Kisan Scheme માં 2 મોટા ફેરફાર, જાણો કયા દિવસે ખાતામાં 2000 રૂપિયા આવશે?

પ્રતિકાત્મક તસવીર

PM Kisan Yojana: જો તમે પણ PM કિસાન સન્માન નિધિમાં નોંધણી કરાવી છે અને 11મા હપ્તાની રાહ જોઈ રહ્યા છો, તો તમારા માટે એક મહત્વપૂર્ણ સમાચાર છે. કેન્દ્ર સરકારે પ્રધાનમંત્રી કિસાન સન્માન નિધિ યોજનામાં 2 મહત્વપૂર્ણ ફેરફારો કર્યા છે.

તેથી 11મો હપ્તો આવે તે પહેલાં તમારે આ ફેરફારો વિશે જાણવું જ જોઈએ. તમને જણાવી દઈએ કે, સરકાર હોળી પછી ગમે ત્યારે 11મા હપ્તાના પૈસા બહાર પાડી શકે છે.

અગાઉ, પીએમ કિસાન પોર્ટલ પર જઈને, કોઈપણ તેના હપ્તાની સ્થિતિ વિશે માહિતી મેળવી શકતો હતો, પરંતુ હવે તેના નિયમો બદલાઈ ગયા છે.

હવે તમારે PM કિસાન પોર્ટલ પર તમારું સ્ટેટસ જોવા માટે પહેલા તમારો મોબાઈલ નંબર દાખલ કરવો પડશે. તે પછી જ તમે સ્ટેટસ અને વધુ વિગતો જોઈ શકશો.

આ સિવાય, અન્ય ફેરફારો વિશે વાત કરીએ તો, લાભાર્થીઓ માટે ઇ-કેવાયસી કરવું ફરજિયાત બનાવવામાં આવ્યું છે. જો તમે ઈ-કેવાયસી કરાવ્યું નથી, તો તમારા ખાતામાં 11મા હપ્તાના પૈસા નહીં આવે.

તમને જણાવી દઈએ કે જો તમે પણ આ સ્કીમનો લાભ લેવા ઈચ્છો છો, તો ઝડપથી ઈ-કેવાયસી કરાવો. તમે સત્તાવાર વેબસાઇટ પર તમારું KYC કરી શકો છો.

પ્રધાનમંત્રી કિસાન સન્માન નિધિ યોજનાના 10મા હપ્તાના નાણાં 1 જાન્યુઆરી, 2022ના રોજ ખેડૂતોના ખાતામાં ટ્રાન્સફર કરવામાં આવ્યા હતા. દેશના કરોડો ખેડૂતોના ખાતામાં 2000 રૂપિયાનો હપ્તો ટ્રાન્સફર કરવામાં આવ્યો.

આ યોજના હેઠળ કેન્દ્ર સરકાર ખેડૂતોને વાર્ષિક 6000 રૂપિયાની આર્થિક સહાય આપે છે. સરકાર આ પૈસા ત્રણ હપ્તાના રૂપમાં આપે છે. એટલે કે, તમને 4 મહિનાના તફાવત પર 2000 રૂપિયાની રકમ મળે છે. આ પૈસા સીધા તમારા બેંક ખાતામાં ટ્રાન્સફર થાય છે.