Post Office Scheme: મુશ્કેલ સમયમાં પરિવાર માટે 'સંકટમોચક' બને છે પોસ્ટ ઓફિસની આ સ્કિમ,જાણો

મુશ્કેલ સમયમાં પરિવાર માટે સંકટમોચક બને છે પોસ્ટ ઓફિસની આ સ્કિમ,જાણો

તસવીર સોશિયલ મીડિયા

Post Office Schemes: ભારતીય પોસ્ટ ઓફિસ ગ્રાહકો માટે અનેક પ્રકારની યોજનાઓ ચલાવે છે. તેમાં ઘણી નાની બચત યોજનાઓ છે. જ્યારે કેટલીક મુશ્કેલ સમયમાં પરિવારને સુરક્ષા આપતી યોજનાઓ પણ છે. પોસ્ટ ઓફિસની જાહેર સુરક્ષા યોજના પણ આવી જ છે. તેમાં 3 યોજનાઓનો સમાવેશ થાય છે. પોસ્ટ ઓફિસ જન સુરક્ષા યોજના હેઠળ, તમે પ્રધાન મંત્રી જીવન જ્યોતિ વીમા યોજના, પ્રધાન મંત્રી સુરક્ષા વીમા યોજના અને અટલ પેન્શન યોજનામાં રોકાણ કરી શકો છો.

તમે તમારી કમાણીમાંથી નાનું રોકાણ કરીને તમે તમારા અને તમારા પરિવાર માટે મોટી મદદની વ્યવસ્થા કરી શકો છો. આ એક ટર્મ ઈન્સ્યોરન્સ પ્લાન છે જે તમારી ગેરહાજરીમાં તમારા પરિવારને નાણાકીય સહાય પૂરી પાડે છે. આ યોજના હેઠળ, વીમાધારકના મૃત્યુના કિસ્સામાં તેના પરિવારને 2 લાખ રૂપિયા સુધીની આર્થિક સહાય આપવામાં આવે છે.

જો કોઈ વ્યક્તિ સરકારની આ યોજનાનો લાભ લેવા માંગે છે, તો તેણે ફક્ત 436 રૂપિયા વાર્ષિક ચૂકવીને આ યોજના ખરીદવી પડશે. 436/12=36.3 એટલે કે જો કોઈ વ્યક્તિ દર મહિને આશરે 36 રૂપિયાની બચત કરે છે, તો તે તેનું વાર્ષિક પ્રીમિયમ સરળતાથી ચૂકવી શકે છે. 18 થી 50 વર્ષની વચ્ચેની કોઈપણ વ્યક્તિ આ વીમા યોજના ખરીદી શકે છે.

પ્રધાનમંત્રી સુરક્ષા વીમા યોજના ખાસ કરીને એવા લોકોને લાભ આપી શકે છે જેઓ આર્થિક રીતે નબળા છે અને ખાનગી વીમા કંપનીઓનું પ્રિમિયમ ચૂકવી શકતા નથી. વર્ષ 2015માં શરૂ થયેલી સુરક્ષા વીમા યોજના, અકસ્માતના કિસ્સામાં 2 લાખ રૂપિયા સુધીનું વીમા કવચ પ્રદાન કરે છે. આ સ્કીમ માટે વાર્ષિક પ્રીમિયમ માત્ર 20 રૂપિયા ભરવાનું રહેશે.

આ એવી રકમ છે જે ગરીબ વર્ગના લોકો પણ સરળતાથી ચૂકવી શકે છે. જો વીમાધારક વ્યક્તિનું અકસ્માત દરમિયાન મૃત્યુ થાય છે, તો વીમાની રકમ તેના નોમિનીને આપવામાં આવે છે. જ્યારે પોલિસી ધારક અક્ષમ થઈ જાય તો તેને નિયમો હેઠળ 1 લાખ રૂપિયાની મદદ મળે છે. આ યોજનાનો લાભ 18 વર્ષથી 70 વર્ષની વય વચ્ચેના લોકો મેળવી શકે છે. જો લાભાર્થીની ઉંમર 70 વર્ષ કે તેથી વધુ હોય તો પ્રધાનમંત્રી સુરક્ષા વીમા યોજના સમાપ્ત કરવામાં આવશે.

જો તમે પણ તમારા વૃદ્ધાવસ્થા માટે નિયમિત આવકની વ્યવસ્થા કરવા માંગો છો, તો તમે સરકારની અટલ પેન્શન યોજના (APY) માં રોકાણ કરી શકો છો. ભારત સરકારની આ યોજના દ્વારા 5,000 રૂપિયા સુધીનું માસિક પેન્શન મેળવી શકાય છે. જો કે, તમને કેટલું પેન્શન મળશે તે તમારા રોકાણ પર આધારિત છે. કોઈપણ ભારતીય નાગરિક જે કરદાતા નથી અને જેમની ઉંમર 18 વર્ષથી 40 વર્ષની વચ્ચે છે તે સરકારની આ યોજનામાં યોગદાન આપી શકે છે.

(તમામ તસવીરો સોશિયલ મીડિયા)