Post Office Schemes: આ પોસ્ટ ઑફિસ સ્કીમ્સમાં બેંક FD કરતાં વધુ વળતર મળી રહ્યું છે! ટેક્સમાં છૂટનો પણ મળશે લાભ

Post Office Schemes VS Bank FD: રેપો રેટમાં સતત વધારાને કારણે ઘણી બેંકોએ તેમના FD રેટમાં વધારો કર્યો છે, પરંતુ આ પછી પણ ઘણી પોસ્ટ ઓફિસ સ્કીમ્સ પર વધુ વ્યાજ મળી રહ્યું છે.

પ્રતિકાત્મક તસવીર

Post Office Schemes Interest Rate: જો કે બજારમાં રોકાણના ઘણા વિકલ્પો ઉપલબ્ધ છે, પરંતુ ઘણા લોકો જોખમ મુક્ત યોજનાઓમાં જ રોકાણ કરવાનું પસંદ કરે છે. પોસ્ટ ઓફિસ સ્કીમને રોકાણનો સારો વિકલ્પ માનવામાં આવે છે.

એવી ઘણી પોસ્ટ ઓફિસ સ્કીમ્સ છે જે બેંક FD કરતાં વધુ વ્યાજ દર ઓફર કરે છે. આ સાથે, આ યોજનાઓમાં રોકાણ કરીને તમને ટેક્સ છૂટનો લાભ પણ મળશે.

જો તમે તમારી દીકરીના ભવિષ્ય માટે રોકાણ કરવાનું વિચારી રહ્યા છો, તો સુકન્યા સમૃદ્ધિ યોજના તમારા માટે શ્રેષ્ઠ વિકલ્પ છે. આમાં રોકાણ કરીને તમે દર નાણાકીય વર્ષમાં 1.5 લાખ રૂપિયાની છૂટ મેળવી શકો છો. તે જ સમયે, આ યોજના હેઠળ રોકાણ કરવામાં આવેલી રકમ પર 8 ટકા વ્યાજ મળી રહ્યું છે.

પોસ્ટ ઓફિસના નેશનલ સેવિંગ્સ સર્ટિફિકેટમાં રોકાણ કરીને, તમને જમા રકમ પર 7.7 ટકા વ્યાજ દર મળે છે. આ સાથે, આ ખાતામાં જમા રકમ પર આવકવેરાની કલમ 80C હેઠળ 1.5 લાખ રૂપિયાની કપાત ઉપલબ્ધ છે.

પોસ્ટ ઓફિસની વરિષ્ઠ નાગરિક બચત યોજના ખાસ કરીને વરિષ્ઠ નાગરિકો માટે બનાવવામાં આવી છે. આ સ્કીમમાં રોકાણ કરવા પર 8.2 ટકાના દરે વ્યાજ મળી રહ્યું છે.

Continues below advertisement

પોસ્ટ ઓફિસની ટાઈમ ડિપોઝીટ સ્કીમમાં રોકાણ કરવા પર, તમને 5 વર્ષના સમયગાળામાં 7.5 ટકા વ્યાજ દર મળશે. પાંચ વર્ષની FD સ્કીમમાં રોકાણ કરવાથી, તમને આવકવેરાની કલમ 80C હેઠળ રૂ. 1.5 લાખની કપાત મળશે.

બીજી તરફ SBIની FD સ્કીમની વાત કરીએ તો, સામાન્ય નાગરિકોને 5 થી 12 વર્ષની FD પર 6.50 ટકા વ્યાજ મળી રહ્યું છે. તે જ સમયે, વરિષ્ઠ નાગરિકોને 7.50 ટકા વ્યાજ મળી રહ્યું છે. બીજી તરફ SBIના અમૃત કલશ પર સામાન્ય ગ્રાહકોને 7.10 ટકા અને વરિષ્ઠ નાગરિકોને 7.60 ટકા વ્યાજ મળી રહ્યું છે.