સોનામાં રેકોર્ડ તેજી! આ ધનતેરસ પર શું 10 ગ્રામ સોનું ₹1,50,000 ને વટાવી જશે? છેલ્લા 3 વર્ષમાં ભાવમાં 140% નો જંગી વધારો!

Dhanteras gold price 2025: વૈશ્વિક બજારોની અસ્થિરતા અને આર્થિક અનિશ્ચિતતા વચ્ચે રોકાણકારોનો રસ સોનામાં સતત વધી રહ્યો છે. છેલ્લા ત્રણ વર્ષમાં સોનાના ભાવમાં આશરે 140% નો મોટો ઉછાળો જોવા મળ્યો છે.

Gold Rate: નિષ્ણાતોના મતે, આ ધનતેરસ પર સોનાનો ભાવ પ્રતિ 10 ગ્રામ ₹1,20,000 થી ₹1,30,000 ની વચ્ચે રહેવાની શક્યતા છે. વર્લ્ડ ગોલ્ડ કાઉન્સિલના અહેવાલ મુજબ, સપ્ટેમ્બર 2025 માં ભારતીય ગોલ્ડ ETF માં રોકાણ 285% વધીને $902 મિલિયન થયું હતું, જે રોકાણકારોનો વધતો વિશ્વાસ દર્શાવે છે. નિષ્ણાતો માને છે કે જો વર્તમાન વલણ ચાલુ રહેશે, તો સોનાનો ભાવ 2026 ના અંત સુધીમાં ₹1,50,000 ના આંકને વટાવી શકે છે.

સોનાનું બજાર વૈશ્વિક સ્તરે રોકાણકારો માટે સલામત આશ્રયસ્થાન (Safe Haven) બની રહ્યું છે. વૈશ્વિક આર્થિક મંદીની ચિંતાઓ, વધતા ભૂ-રાજકીય તણાવ અને યુએસ ફેડરલ રિઝર્વ દ્વારા વ્યાજ દરોમાં ઘટાડાની વધતી અપેક્ષાઓને કારણે સોનાના ભાવ આસમાને પહોંચી ગયા છે. આ વર્ષે અત્યાર સુધીમાં સોનાના બુલિયન બજારમાં લગભગ 60% નું વળતર મળ્યું છે, અને 2022 થી અત્યાર સુધીમાં ભાવમાં આશરે 140% નો જંગી વધારો જોવા મળ્યો છે.

આ વધતા વિશ્વાસનો પુરાવો વર્લ્ડ ગોલ્ડ કાઉન્સિલના આંકડાઓમાં પણ જોવા મળે છે. સપ્ટેમ્બર 2025 માં ભારતીય ગોલ્ડ EDF (Exchange Traded Fund) માં રોકાણ $902 મિલિયન સુધી પહોંચ્યું હતું, જે અગાઉના મહિના ઓગસ્ટની સરખામણીમાં આશરે 285% નો મોટો ઉછાળો દર્શાવે છે. આ આંકડા સ્પષ્ટ કરે છે કે શેરબજારની વધઘટ વચ્ચે રોકાણકારો પોતાનું ધ્યાન સોના તરફ વાળી રહ્યા છે.

આગામી ધનતેરસના તહેવાર પર સોનાની ખરીદીનું મહત્ત્વ ભારતીય સંસ્કૃતિમાં ઘણું વધારે છે. મનીકન્ટ્રોલના અહેવાલ મુજબ, બજાર નિષ્ણાતો આ ધનતેરસ પર સોનાનો ભાવ પ્રતિ 10 ગ્રામ ₹1,30,000 સુધી પહોંચી શકે તેવો અંદાજ લગાવી રહ્યા છે.

SMC ગ્લોબલ સિક્યોરિટીઝના કોમોડિટીઝ રિસર્ચ ચીફ વંદના ભારતીના મતે, વર્ષના અંત સુધીમાં અથવા આવતા વર્ષની શરૂઆતમાં સોનાનો ભાવ ₹1.5 લાખ ની નજીક પહોંચી શકે છે. જોકે, રેલિગેર બ્રોકિંગ લિમિટેડના રિસર્ચ સિનિયર વાઇસ પ્રેસિડેન્ટ અજિત મિશ્રા પણ વૈશ્વિક અનિશ્ચિતતાને ભાવ વધારાનું મુખ્ય કારણ ગણાવે છે.

નિષ્ણાતો એવી આગાહી કરે છે કે 2026 માં પણ સોનાના ભાવમાં વધારો ચાલુ રહી શકે છે. જોકે, ઓગમોન્ટ ખાતે સંશોધન વડા રેનિશા ચૈનાનીના મતે, જો સેન્ટ્રલ બેંકો દ્વારા સોનાની સતત ખરીદી અને આર્થિક વલણ ચાલુ રહેશે, તો સોનાનો ભાવ 2026 ના મધ્યથી અંત સુધીમાં પ્રતિ 10 ગ્રામ ₹1,50,000 ના આંકને વટાવી શકે છે.

Continues below advertisement