અતિભારે વરસાદની આગાહીઃ બે સિસ્ટમ સક્રિય થતાં આગામી ત્રણ દિવસ આ જિલ્લામાં તૂટી પડશે વરસાદ

Gujarat weather forecast: અમદાવાદમાં આગામી ત્રણ દિવસ મધ્યમ વરસાદની શક્યતા છે. આ ઉપરાંત, રાજ્યના અન્ય વિસ્તારોમાં પણ આગામી ત્રણ દિવસ ભારે વરસાદની આગાહી કરવામાં આવી છે.

મહીસાગર અને દાહોદમાં અતિભારે વરસાદની સંભાવના હોવાથી ઓરેન્જ અલર્ટ જાહેર કરવામાં આવ્યું છે.

બનાસકાંઠા, અરવલ્લી, પંચમહાલ, વડોદરા, છોટાઉદેપુર, નર્મદા, ભરૂચ, ભાવનગર, અમરેલી, વલસાડ, દમણ અને દાદરાનગર હવેલીમાં ભારે વરસાદની સંભાવના સાથે યેલો અલર્ટ જાહેર કરાયું છે.

આવતીકાલે સાબરકાંઠા, ગાંધીનગર, ખેડા, પંચમહાલ, દાહોદ અને છોટાઉદેપુરમાં પણ યેલો અલર્ટ જાહેર કરવામાં આવ્યું છે.

હવામાન વિભાગના નિષ્ણાતોએ જણાવ્યું કે મોન્સુન ટ્રફ અને સાયક્લોનિક સર્ક્યુલેશનના કારણે આ વરસાદની સ્થિતિ સર્જાઈ છે.