આજનું હવામાનઃ આજે રાજ્યના 5 જિલ્લામાં તૂટી પડશે વરસાદ, હવામાન વિભાગની લેટેસ્ટ આગાહી

Gujarat Weather: આજે રાજ્યના પાંચ જિલ્લામાં ગાજવીજ સાથે ભારે વરસાદની હવામાન વિભાગે આગાહી કરી છે.

Rain Alert: ગુજરાતમાં અવિરત વરસાદ પડી રહ્યો છે. ઘણા જિલ્લાઓમાં મેઘરાજા ધમાકેદાર બેટિંગ કરી રહ્યા છે. આવી સ્થિતિમાં આગામી દિવસોમાં હવામાન કેવું રહેશે અને કયા વિસ્તારોમાં ગાજવીજ અન વીજળીના કડાકા ભડાકા સાથે વરસાદ પડવાની સંભાવના છે, તે અંગે હવામાન વિભાગે જાણકારી આપી છે.

હવામાન વિભાગ અનુસાર સુરત, તાપી, નવસારી, ડાંગ અને વલસાડમાં ભારે વરસાદ પડશે.

આ ઉપરાંત સંઘ પ્રદેશ દમણ અને દાદરાનગર હવેલીમાં પણ ભારે વરસાદની હવામાન વિભાગે આગાહી કરી છે. તો પ્રવાસન સ્થળ દીવના કેટલાક વિસ્તારોમાં છુટોછવાયો વરસાદ વરસી શકે છે.

આજે ઉત્તર ગુજરાતના બનાસકાંઠા, પાટણ, મહેસાણા, સાબરકાંઠા, અરવલ્લીમાં સામાન્ય વરસાદની આગાહી છે.

આજે ગાંધીનગર, ખેડા, અમદાવાદ, આણંદ, પંચમહાલ, દાહોદ, મહિસાગર, વડોદરા, છોટા ઉદેપુર, નર્મદા, ભરૂચ, સુરત, ડાંગ, વાપી, નવસારી, વલસાડ, દમણ અને દાદરા નગર હવેલીમાં પણ સામાન્ય વરસાદની આગાહી છે.

સૌરાષ્ટ્ર અને કચ્છમાં રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ, દીવ અને કચ્છમાં ભારે પવન સાથે વરસાદની હવામાન વિભાગે આગાહી કરી છે.